Alvin and the Chipmunks: The Squeakquel

Alvin and the Chipmunks: The Squeakquel ni filamu ya mwaka wa 2009 kutoka nchini Marekani. Filamu inachanganya wahusika (live-action, yaani, wahusika binadamu na CGI wahusika vikatuni. Filamu ina mandhari ya ucheshi na ni mfululizo wa pili baada ya Alvin and the Chipmunks. Ndani yake anakuja Jason Lee, Zachary Levi, Anjelah Johnson, Wendie Malick, na David Cross. Filamu hii pia imeshirikisha sauti za nyota maarufu kama vile Justin Long, Matthew Gray Gubler, Jesse McCartney, Christina Applegate, Anna Faris, na Amy Poehler.

Alvin and the Chipmunks: The Squeakquel
Imeongozwa na	Betty Thomas
Imetayarishwa na	Janice Karman Ross Bagdasarian, Jr.
Imetungwa na	Jon Vitti Jonathan Aibel Glenn Berger
Nyota	Zachary Levi David Cross Jason Lee Justin Long Matthew Gray Gubler Jesse McCartney Christina Applegate Anna Faris Amy Poehler
Muziki na	David Newman
Imehaririwa na	Matt Friedman
Imesambazwa na	20th Century Fox
Imetolewa tar.	23 Desemba 2009
Ina muda wa dk.	Dakika 89
Nchi	Marekani
Lugha	English
Bajeti ya filamu	$75,000,000
Mapato yote ya filamu	$443,180,168
Ilitanguliwa na	Alvin and the Chipmunks (2007)

Filamu inashirikisha Alvin and the Chipmunks na wenzi wao wa kike waitwao The Chipettes. Filamu iliongozwa Betty Thomas, imetungwa na Jon Vitti, Jonathan Aibel, na Glenn Berger, imesambazwa na 20th Century Fox, na kutayarishwa na Regency Enterprises kwa ushirikiano wa Bagdasarian Productions. Awali ilipangwa itolewa mnamo tar. 19 Machi 2010, lakini badala yake ikahamishwa hadi tar. 23 Desemba 2009.

Hadithi

Wakati wa tamasha la kihisani la Chipmunks huko mjini Paris, Ufaransa, David Seville (Jason Lee) anajeruhiwa. Dave hana budi kujiuguza na analizimika kuwaacha Chipmunks chini ya uangalizi wa shanganzi yake. Mipango pia imefanywa ya wao kwenda shule. Baada ya ajali nyingine, wakina Chipmunks wameachwa chini ya uangalizi wa Toby (Zachary Levi), mjukuu wa shangazi yake Dave.

Muda huohuo, Ian Hawke (David Cross) anaishi chini ya kitako cha nyumba ya JETT Records. Machipmunks wa kike watatu, Brittany, Jeanette, na Eleanor, pia wanajulikana kama Chipettes, wanaungana na Ian anawakodi ikiwa kama mtego wa kurudi kwa Chipmunks na kufufua kazi yake.

Wakiwa shule, wakina Chipmunks wanazinguliwa na mizaha ya hapa na pale na baadaye kwenda ofisini kwa mkuu shule. Wanagundua kwamba mkuu wa shule ni mpenzi mkubwa wa Chipmunks na anawataka wasaidie msaada wa kifedha kwa ajili kusaidia kipindi cha muziki ambacho kipo hatarini kufa kwa kukosa fedha - hivyo waende kwenye shindano la muziki na wakishinda wataweza kusaidia kipindi hicho cha shule. Muda huohuo, wakati Ian anapokea gazeti lake la kila siku, anashtushwa kwa kukuta kina Chipmunks wapo katika ukurasa wa mbele. Baada ya kusoma habari zao, haraka akapeleka kina Chipettes shule.

Pale kina Chipmunks wanakutana na kina Chipettes, wameshangazwa kwa ufanano wao, lakini baada ya muda mfupi wakaanza uhasimu baada ya kugundua ya kwamba wapo na Ian. Wakina Chipmunks na Chipettes wanashindana kwa vita ya mabendi ili apatikane mshindi wa kwenye shindano, wakina Chipettes wameimba na Alvin ameshindwa kutokea kwenye onyesho kwa ajili ya Chipmunks - ambao baadaye wameadhibiwa. Pindipo Alvin anatokea, amekuta ukumbi mtupu na amepuuzwa na ndugu zake nyumbani.

Punde, wakina Chipettes wanakodiwa. Kwa bahati mbaya, tamasha hilo lipo usiku mmoja na lile la shule, hivyo Ian akaamua kubutulia mbali shindano la shule na kuwafanya kina Chipettes waimbe kwenye tamasha jipya. Wakati kina Chipettes wanakataa, anawatishia kuwapeleka kwenye mgahawa wa wauza mishikaki.

Huko shule, Alvin anapokea simu kutoka kwa Brittany na anaharakia kwenda kuwaokoa. Wakina Chipettes wanafanikiwa kutoroka na Alvin. Alvin na Chipettes wanawasili shindanoni na kuanza kuimba na hatimaye kushinda. Muda huohuo, Ian anaingia matatani zaidi pindi alipojaribu kujiigiza kama Chipettes kwenye tamasha lililoandaliwa kwa ajili ya wasichana. Dave anarudi wakati wa shindano na kuridhia kina Chipettes waishi pamoja.

Washirki

• Zachary Levi kama Toby Seville
• David Cross kama Ian Hawke
• Jason Lee kama David "Dave" Seville
• Wendie Malick kama Dr. Rubin
• Anjelah Johnson kama Julie Ortega
• Kevin G. Schmidt kama Ryan Edwards
• Chris Warren, Jr. kama Xander
• Bridgit Mendler kama Becca Kingston
• Aimee Carrero kama Emily
• Kathryn Joosten kama Aunt Jackie Seville
• Brando Eaton kama Jeremy Smith

Kina Chipmunks

• Justin Long kama Alvin (sauti ya maongezi)
• Matthew Gray Gubler kama Simon (sauti ya maongezi)
• Jesse McCartney kama Theodore (sauti ya maongezi)
• Ross Bagdkamaarian, Jr. kama Alvin (sauti ya kuimba)
• Steve Vining kama Simon (sauti ya kuimba)
• Janice Karman kama Theodore (sauti ya kuimba)

Kina Chipettes

• Christina Applegate kama Brittany (sauti ya maongezi)
• Anna Faris kama Jeanette (sauti ya maongezi)
• Amy Poehler kama Eleanor (sauti ya maongezi)
• Janice Karman kama the Chipettes (sauti ya kuimba)

Walionekaa

• Quest Crew kama Li'l Rosero Dancers
• Charice Pempengco kama yeye mwenyewe
• Honor Society kama wao
• Eric Bauza kama Digger the Gopher

Viungo vya Nje

• Alvin and the Chipmunks: The Squeakquel katika Internet Movie Database