Hellen Baleke

Hellen Baleke (alizaliwa 3 Mei 1987) ni mwanamasumbwi mahiri wa Uganda anayejulikana kwa kuwa mwanamke wa kwanza wa Uganda kushinda medali ya shaba katika ndondi katikaMichezo ya Afrika Yote ya mwaka 2019.

Kazi ya ndondi

Hellen Baleke alianza ndondi mwaka wa 2005 kama mwanafunzi katika Klabu ya Rhino kabla ya kuhamia KCCA Boxing Club mwaka wa 2008. Anashiriki katika kitengo cha uzani wa kati. Pia ameiwakilisha Uganda kimataifa akiwa na She Bombers na anafunzwa na Mercy Mukankusi.

Ameiwakilisha Uganda kwenye Mashindano ya Dunia ya Ndondi ya Wanawake ya AIBA 2014 huko Jeju, Korea Kusini, ambapo alishindwa na mshindi wa medali ya Dhahabu Claressa Shields. Alishiriki pia katika Michezo ya Afrika ya 2019, ambapo alipigana na Khadija El-Mardi akaweza kushinda medali ya shaba.

Maisha binafsi

Hellen Baleke alizaliwa na Sarah Bagoole katika Wilaya ya Kayunga.

Hellen Baleke ni mama wa watoto wawili na ni dada mkubwa wa bondia wa She Bombers, Diana Tulyanabo.