Chuo Kikuu cha Nigeria, Nsukka
Chuo Kikuu cha Nigeria, kinachojulikana kwa jina fupi kama UNN, ni chuo kikuu cha shirikisho kilichopo Nsukka, Jimbo la Enugu, sehemu ya Mashariki ya Nigeria. Kiliundwa mwaka 1955 na Nnamdi Azikiwe ambaye alikuwa Gavana Mkuu wa Nigeria kati ya mwaka 1960 na 1963,[8] na Rais wa kwanza wa Nigeria kati ya mwaka 1963 na 1966. Chuo Kikuu cha Nigeria Nsukka kilifunguliwa rasmi tarehe 7 Oktoba 1960. Chuo Kikuu cha Nigeria kina kampasi tatu katika Jimbo la Enugu–Nsukka, Enugu, na Ituku-Ozalla – na kampasi ya Aba katika Jimbo la Abia.[1]
Chuo Kikuu cha Nigeria ni chuo kikuu cha kwanza cha asili kamili na cha kwanza kinachojitegemea nchini Nigeria, kilichoundwa kwa mfano wa mfumo wa elimu wa Marekani. Kilikuwa chuo kikuu cha kwanza cha "land-grant" barani Afrika na ni moja ya vyuo vikuu vitano vinavyoheshimika zaidi nchini Nigeria. Chuo kikuu kina Shule 15 na idara 102 za kitaaluma. Chuo hiki kinatoa programu 108 za shahada za kwanza na programu 211 za shahada za uzamili.