Ellie Highwood

Ellie Highwood ni mshauri na mkufunzi kwa wasomi, watafiti na wanasayansi.

Hapo awali alikuwa Profesa wa Fizikia ya Hali ya Hewa Chuo Kikuu cha Reading na alikuwa mkuu wa idara hiyo kuanzia mwaka 2012 hadi 2015. Pia alikuwa mwanachama wa Baraza la RmetS na Kamati ya Elimu. Mnamo tarehe 1 Oktoba 2016 alikua Raisi wa 81 wa Jumuiya ya Kifalme ya Hali ya Hewa (RMetS), akihudumu hadi mwaka 2018.

Highwood alisomea fizikia Chuo Kikuu cha Manchester na kisha akasomea PhD Chuo Kikuu cha Reading . Utafiti wake unazingatia chembe za anga katika hali ya hewa, haswa athari za erosoli kwenye mabadiliko ya hali ya hewa na mifano ya hali ya hewa.

Kuanzia mwaka 2015-2019 pia alichukua nafasi ya Dean for Diversity and Inclusion kutoka Chuo Kikuu cha Reading, ambacho kilikuwa sehemu ya kazi na Profesa Simon Chandler-Wilde.

Mnamo mwaka wa 2019 aliacha ulimwengu wa utafiti wa kitaaluma na kuanzisha biashara zake mwenyewe zinazozingatia kukuza mashirika ya umoja na kusaidia wasomi, watafiti na wanasayansi kupitia kufundisha mtu binafsi na timu. 

Kazi yake kuhusu erosoli na athari zake kwa hali ya hewa na mabadiliko ya hali ya hewa zimejadiliwa katika machapisho mashuhuri, kama vile The Independent na BBC . Amedai kuwa kupooza sayari kiholela kwa "kuingiza chembechembe ndogo za kuakisi kwenye angahewa" (kama ilivyopendekezwa na Paul Crutzen, kwa mfano) kunaweza "kusababisha ukame na machafuko ya hali ya hewa" katika nchi maskini, pia akisema kuwa "itakuwa busara kuchunguza njia mbadala ambazo zinaweza kutusaidia katika miongo ijayo".