Fatou Pouye
Fatou Pouye (amezaliwa Januari 14, 1997) ni mchezaji wa mpira wa kikapu kutoka Senegal ambaye anacheza kwa klabu ya Club Joventut Badalona.
Kazi ya kucheza hariri
Fatou alipokuwa shuleni alicheza msimu mmoja katika Shule ya Glasgow Christian Academy, Kentucky na katika SEED Academy, Thiès.[1]
Kama mwanafunzi wa kwanza katika Chuo cha Teknolojia ya Kusini mwa Georgia (2017-2018), alicheza na timu na kuwa mwanachama wa timu ya ubingwa wa NJCAA Region XVII.[2]
Alicheza katika michezo 32 kama mwanafunzi wa pili katika Chuo cha Teknolojia ya Kusini mwa Georgia (JUCO), akawa mchezaji wa wiki mara tatu wa mpira wa kikapu kwa Chama cha GCAA Division I na mchezaji wa kwanza wa mpira wa kikapu kuteuliwa kama Mchezaji wa Wiki katika Divisheni I kwa mwaka wa 2019.[3]
Kabla ya kuhamia Chuo Kikuu cha Duquesne, Fatou alicheza katika kila mchezo na Western Kentucky Lady Toppers kama mlinzi. Kama mwanafunzi wa tatu, alifunga mara mbili na aliteuliwa kwa Tuzo ya Heshima ya Kamishna wa USA ya Mkutano na alipata heshima ya Orodha ya Mafanikio ya Spring. Na kama mwanafunzi wa nne, Fatou alikuwa na mara tatu mara mbili, alifunga alama 21 wakati wa mechi dhidi ya Louisiana Tech na kuvuta rebounds 13 dhidi yao, alikuwa kinara wa alama kwa timu katika michezo minne na alikusanya rebounds 14 kazi yake ya juu dhidi ya Rice mnamo Februari 12 na alama 23 dhidi ya FIU mnamo Februari 26.[4]
Fatou alijiunga na Duquesne Dukes kama mhamisho wa shahada ya uzamili mnamo 2021 na kucheza michezo 28, akiwa wa pili kwa timu na wa 18 kwenye ligi.
Mnamo Septemba 2023, Fatou alijiunga na Club Joventut Badalona, klabu ya mpira wa kikapu ya Uhispania. Pia alicheza na timu ya Senegal kwa FIBA Women's AfroBasketball na mnamo 2024, kwa FIBA Women's Olympic Qualifying Tournament Belgium.[5]
marejeo hariri
- ↑ "2021-22 Women's Basketball Roster".
- ↑ "Fatou Pouye - Women's Basketball". Duquesne University Athletics (kwa Kiingereza). Iliwekwa mnamo 2024-03-25.
- ↑ Bird, Su Ann (2019-01-09). "SGTC Lady Jets Fatou Pouye named GCAA Division I Player of Week". SGTC (kwa Kiingereza). Iliwekwa mnamo 2024-03-25.
- ↑ "Fatou Pouye - Women's Basketball". Duquesne University Athletics (kwa Kiingereza). Iliwekwa mnamo 2024-03-28.
- ↑ "Fatou Pouye - Player Profile". FIBA.basketball (kwa Kiingereza). Iliwekwa mnamo 2024-03-28.
|
Makala hii kuhusu mtu huyo bado ni mbegu. Je, unajua kitu kuhusu Fatou Pouye kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |