Grace Chiumia
Grace Chiumia ni mwanasiasa wa Malawi ambaye amehudumu kama Waziri wa Elimu ya Raia katika baraza la mawaziri la Malawi, tangu tarehe 24 Oktoba 2017. Kabla ya uteuzi wake wa sasa, alikuwa Waziri wa Mambo ya Ndani na Usalama wa Ndani, katika baraza la mawaziri la Malawi, kuanzia tarehe 6 Septemba 2016 hadi tarehe 24 Oktoba 2017.[1]
Chiuma ni muuguzi wa matibabu na mratibu wa malaria kutoka Mzuzu. [2]Alichaguliwa katika Bunge la Taifa kuwakilisha wilaya ya Nkhata Bay West katika uchaguzi wa Mei 2009. Alipatiwa jina la utani “Obama” mwaka 2008 na watu wa eneo lake kama mwanamke wa kwanza kugombea kuwawakilisha. Alifanikiwa kushinda dhidi ya wanaume wanane.[3]
Mnamo mwaka 2010, Chiumia alihudhuria mafunzo ya Wajibu wa Kujitolea kwa Wajumbe wa Bunge mjini Pretoria ili kuwasaidia wabunge kuwa na uwezo zaidi katika masuala yanayohusiana na utekelezaji wa sera za HIV na UKIMWI.
Chiumia aliteuliwa kuwa Waziri wa Michezo na Utamaduni mwezi Agosti mwaka 2015. Aliteuliwa kuwa Waziri wa Mambo ya Ndani na Usalama wa Ndani katika baraza la Rais Peter Mutharika mwezi Septemba mwaka 2016. Yeye ndiye waziri mdogo zaidi katika baraza la mawaziri la Malawi. Pia yeye ni whip mkuu wa serikali na katibu mkuu msaidizi wa chama tawala cha Democratic Progressive Party.
- ↑ Nkhoma, Mphatso (24 Oktoba 2017). "Malawi Cabinet Reshuffle: Mutharika Swaps Two Ministers, Chiumia And Chazama". Nyasa Times. Blantyre. Iliwekwa mnamo 25 Oktoba 2018.
{{cite web}}: CS1 maint: date auto-translated (link) - ↑ "Grace Chiumia". Canton, New York State, United States: Women of Grace Widows Fund. 2015. Iliwekwa mnamo 25 Oktoba 2018.
{{cite web}}: CS1 maint: date auto-translated (link) - ↑ "Gender Evangelist" (Issue 8, February 2010). Roadmap to Equality. 17 Septemba 2010. Iliwekwa mnamo 25 Oktoba 2018.
{{cite web}}: CS1 maint: date auto-translated (link)