Liturujia ya Antiokia : Tofauti kati ya masahihisho

'''Liturujia ya Antiokia''', inayoitwa pia '''Liturujia ya Siria''', ni [[jina]] la taratibu za [[ibada]] ya [[Wakristo]] ambayo ina [[asili]] yake katika [[mji]] wa [[Antiokia]] wa [[Siria]] (siku hizi umo katika mipaka ya [[Uturuki]]) ambao katika [[karne ya 1]] ulikuwa kituo kikuu cha [[umisionari]] wa [[Kanisa]], halafu ukawa na [[shule ya teolojia]] muhimu kama ile shindani ya [[Aleksandria]] ([[Misri]]).

Wanaotumia liturujia hiyo ni hasa [[Kanisa la Kiorthodoksi la Siria]] na [[madhehebu]] yenye uhusiano naye [[Historia|kihistoria]] (hasa matawi ya [[Kanisa la Kiorthodoksi la Kisiria la Malankara]] kutoka [[India]]), na yale yaliyotokana nalo, yakiwa pamoja na [[Kanisa Katoliki la Kisiria]] na [[Kanisa Katoliki la Kimalankara]]. Kwa kiasi kikubwa liturujia hiyo ni pia ya [[Kanisa la Wamaroni]].

Liturujia hiyo ilitokana hasa na [[Liturujia ya Ugiriki|ile ya Kigiriki]] iliyotumiwa kwanza na [[Patriarki]] wa mji huo, lakini, baada ya [[farakano]] la mwaka [[451]] lililofuata [[Mtaguso wa Kalsedonia]], [[Tafsiri|ilitafsiriwa]] katika [[lugha]] ya [[Kiaramu]], iliyokuwa ya kawaida zaidi katika maeneo yote ya kandokando.

Matini ya Kiaramu ya zamani zaidi yaliobakiyaliyobaki hadi leo ni taya [[karne ya 5]]<ref>''[[Testamentum Domini]]'', ed. by [[Ignace Ephrem II Rahmani|Ephrem Rahmani]], ''Life of Severus of Antioch'', sixth century.</ref> Yanatunza [[kumbukumbu]] muhimu kuhusu liturujia ilivyokuwa wakati huo, nazo zinatusaidia kufuatilia mabadiliko yaliyofanyika baadaye.

[[Wakatoliki]] ndio waliofanya [[utafiti]] bora zaidi juu ya liturujia hiyo, wakitoa [[vitabu]] rasmi ili kupunguza fujo iliyojitokeza pengine kati ya [[Waorthodoksi wa Mashariki]]. Kati ya anafora hizo zote, wanazitumia [[Saba (namba)|saba]] tu.

Pengine masomo ya [[Biblia]] yanafanyika kwa [[Kiarabu]], lugha ya kawaida ya waamini wengi huko [[Mashariki ya Kati]]. Lakini waamini wengi zaidi wanaishi [[India]] kusini.