Nebula ya Jabari
Nebula ya Jabari (ing. Orion nebula, pia Messier 42, M42 na NGC 1976) ni nebula angavu inayoonekana katika kundinyota ya Jabari chini ya nyota tatu za ukanda wake. Mwangaza unaoonekana ni mag 4.0 hivyo inaonekana kama nyota lakini kwa kutumia darubini ndogo inatambuliwa kama doa angavu maana ni nebula..
 | |
| Kundinyota | Jabari (Orion) |
| Mwangaza unaonekana | 4.0[1] |
| Umbali (miakanuru) | 1425 |
| Mwangaza halisi | - |
| Majina mbadala | Messier 42, M42, NGC 1976 |
Chanzo cha nebula hii kilikuwa wingu kubwa la molekuli za hidrojeni lililoanza kujikaza. Mawingu ya aina hii ni sehemu za anga la nje ambako nyota zinazaliwa yaani ambako zinaanza kutokea. Nebula hii inaonekana vema kwa sababu nyota changa ndani yake zinatoa mnururisho wa kuioniza (unaondoa electroni kwenye atomi na kuziacha kwenye hali ya kuwa nachaji hasi au chanya, yaani ioni) unaosababisha kung’aa kwa nebula.
Umbali wa nebula ni takriban miakanuru 1425[2].
Kabla ya karne ya 17 ilijulikana kama nyota ya kawaida. Baada ya kugunduliwa kwa darubini Mfaransa Peiresc alikuwa mtu wa kwanza aliyeiangalia kwenye mwaka 1610 kwa kutumia darubini na kutambua si nyota.[3]
Tanbihi hariri
- ↑ Messier 42 (The Orion Nebula), tovuti ya NASA ya Oct. 19, 2017, iliangaliwa Januari 2018
- ↑ Hirota (2013), uk. 1
- ↑ Harrison (1983), uk. 70
Viungo vya Nje hariri
- Orion Nebula – Messier 42
- Orion, kwenye tovuti ya Ian Ridpath, Star Tales, iliangaliwa Oktoba 2017
- THE ORION NEBULA, kwenye tovuti ya Prof Jim Kaler, University of Illinois, iliangaliwa Oktoba 2017
- Messier 42: Orion Nebula, tovuti ya Messier-objects.com, iliangaliwa Januari 2018
Marejeo hariri
- Harrison, Thomas G. (1984). "The Orion Nebula: Where in History is it?". Quarterly Journal of the Royal Astronomical Society. 25: 71 (online hapa)
- Hirota, Tomoya; et al. (2007). "Distance to Orion KL Measured with VERA". Publications of the Astronomical Society of Japan. 59 (5): 897–903