Petro Regalado

Petro Regalado (kwa Kihispania San Pedro Regalado) (Valladolid, Hispania, 1390 – La Aguilera, 30 Machi 1456) alikuwa mtawa na padri aliyechangia urekebisho wa shirika lake la Kifransisko.

Sanamu yake huko Valladolid, alipozaliwa.

Alitangazwa mwenye heri na Papa Inosenti XI tarehe 11 Machi 1684, halafu mtakatifu na Papa Benedikto XIV tarehe 29 Juni 1746.

Sikukuu yake inaadhimishwa tarehe ya kifo chake au 13 Mei, ambapo maiti yake ilifukuliwa miaka 36 baada ya kifo chake ikaonekana haijaoza, ikazikwa mahali pa heshima zaidi.

Maisha

Familia yake ilikuwa tajiri na adilifu. Kisha kufiwa baba, alilelewa na mama tu.

Alipofikia umri wa miaka 10 aliomba kujiunga na Ndugu Wadogo Wakonventuali, akakubaliwa miaka 3 baadaye.

Mwaka 1404 akawa mmojawapo kati ya wafuasi wa kwanza wa Pedro de Villacreces, aliyeanzisha urekebisho wa Observansya nchini Hispania mwaka 1397.

Katika konventi mpya ya La Aguilera, Petro alikuta maisha ya upweke, sala na ufukara mkuu aliyoyatamani, akayaeneza kwa nguvu zote.

Mtu mnyenyekevu sana na mwenye nidhamu kamili ya toba, mwaka 1415 akawa mhudumu wa konventi hiyo.

Mwaka 1422, kutokana na kifo cha Villacreces, Petro akawa kiongozi wa urekebisho hadi kifo chake.

Alijenga vyumba viwili ambamo waishi wakaapweke wasiozidi kumi na wawili.

Sifa zake za utakatifu zikazidi kuvuma, pia kutokana na miujiza mingi iliyosemekana kutokea.

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko

Marejeo

• Marcelo González, San Pedro Regalado, en Año Cristiano, Tomo I, Madrid, Ed. Católica (BAC 182), 1959, pp. 710-716.
• Luis Carrión González, Historia documentada de convento DOMUS DEI de La Aguilera. Madrid 1930.
• Daniel Elcid, El Santo Regalado. La Aguilera 1997.
• José Miguel López Cuétara, San Pedro Regalado, fraile franciscano, el Santo de La Aguilera. Diario de Burgos, 1991 - San Pedro Regalado, un vallisoletano desconocido. El Norte de Castilla, 1994 - Seiscientos años de la fundación del Convento Domus Dei de La Aguilera. Diario de Burgos, 2004.

Viungo vya nje

• Peter de Regalado at the Catholic Encyclopedia
• Biografía de San Pedro Regalado
• Archidiócesis de Valladolid - Biografía de San Pedro Regalado Archived 27 Machi 2009 at the Wayback Machine.
• Cofradía de San Pedro Regalado - Valladolid Archived 24 Mei 2012 at the Wayback Machine.

Makala hii bado ni mbegu. Je, unajua kitu kuhusu Mkristo huyu, kama wasifu wake, habari za maisha au kazi yake? Je, unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuiongezea habari.