Msimbo wa simu

Msimbo wa simu, unaojulikana pia kama msimbo wa kupiga simu wa nchi, ni namba ya kipekee inayotumiwa kupiga simu za kimataifa kwa nchi au eneo tofauti. Misimbo hii inasimamiwa na Umoja wa kimataifa wa mawasiliano(ITU) chini ya mpango wa E.164 wa upangaji wa namba za simu.

Misimbo ya simu ya nchi

Muundo na matumizi

Wakati wa kupiga simu ya kimataifa, mpigaji hufuata mpangilio huu:

• 1. Msimbo wa Kutoka (International Prefix): Huu ni msimbo unaotumiwa kuanza simu ya kimataifa kutoka nchi fulani (mfano, 011 nchini Marekani, 00 katika mataifa mengi ya Ulaya).
• 2. Msimbo wa Simu wa Nchi: Huu ni msimbo wa kipekee unaotambulisha nchi lengwa (mfano, +1 kwa Marekani, +44 kwa Uingereza, +81 kwa Japani).
• 3. Namba ya Simu ya Ndani: Hii inajumuisha msimbo wa eneo (kama unahitajika) na namba ya mpokeaji ndani ya nchi husika.

Kwa mfano, kupiga simu London, Uingereza, kutoka Marekani: 011 + 44 + Namba ya Simu ya Ndani

Historia na maendeleo

ITU ilianzisha misimbo ya simu ya kimataifa katika karne ya 20 ili kurahisisha mawasiliano ya kimataifa. Kabla ya mfumo huu, waendeshaji wa simu walihitaji kuunganisha simu moja kwa moja kati ya nchi tofauti. Baadaye, kiwango cha E.164 kilianzishwa ili kuhakikisha upangaji wa namba za simu unakuwa wa kimataifa na wa kawaida.

Misimbo ya simu ya bara

ITU imegawa misimbo ya simu kulingana na kanda za kijiografia:

• Amerika Kaskazini (NANP): +1 (Marekani, Kanada, Karibi)
• Ulaya: +3 (Ufaransa , Uhispania, Ureno), +4 : (Uingereza, Ufini, Ujerumani)
• Asia Mashariki: +8
• Asia(Uarabu, India,n.k) : +9
• Afrika: +2 (Kenya, Nigeria, Afrika Kusini, n.k.)
• Amerika Kusini: +5 (Brazil, Argentina, Kolombia, n.k.)
• Oceania: +6 (Australia, New Zealand, visiwa vya Pasifiki)

Misimbo maalum ya simu

Hapa kuna baadhi ya misimbo ya simu inayotumiwa mara kwa mara:

• +1 – Marekani, Kanada, na baadhi ya mataifa ya Karibiani
• +44 – Uingereza
• +33 – Ufaransa
• +49 – Ujerumani
• +27 – Afrika kusini
• +86 – China
• +91 – India
• +61 – Australia
• +7 – Urusi na Kazakhstan
• +254 – Kenya

Misimbo maalum

Baadhi ya misimbo ya simu haitumiki kwa nchi moja pekee bali kwa huduma maalum:

• +800 – Simu za Kimataifa zisizolipishwa (Toll-free)
• +808 – Huduma za Gharama Inayoshirikiwa Kimataifa
• +882 / +883 – Mitandao ya Kimataifa na Huduma za Satelaiti
• +870 – Inmarsat (Huduma za simu za satelaiti)

Mabadiliko

Msimbo wa simu wa nchi unaweza kubadilishwa au kugawanywa kutokana na mabadiliko ya kisiasa, kiuchumi, au maendeleo ya teknolojia. Kwa mfano:

• Ujerumani Mashariki na Magharibi (kabla ya 1990): Ujerumani Mashariki ilitumia +37 kabla ya kuungana na Ujerumani Magharibi chini ya +49.
• Yugoslavia (iliyovunjika): Ilitumia +38 kabla ya kugawanyika na mataifa yaliyotokana nayo kupata misimbo tofauti.
• Eritrea (1993): Ilibadilika kutoka +251 (iliokuwa ya Ethiopia) hadi +291 baada ya kupata uhuru.