Nefertiti

Neferneferuaten Nefertiti (pia: Nofretete; mnamo 1370 KK   1330 KK) alikuwa malkia wa Misri ya Kale na mke mkuu wa Farao Akhenaten. Nefertiti na mumewe wanajulikana kwa mapinduzi ya kidini ambapo waliaanzisha ibada ya mmoja tu wakimwabudu Aten au Jua badala ya miungu mingi ya dini ya nchi. Wataalamu wengine wanaamini kwamba Nefertiti alitawala kama mfalme kwa muda mfupi baada ya kifo cha Akhenaten akitumia jina la Neferneferuaten na kabla ya utawala wa Tutankhamun.

Sanamu mashuhuri ya Nefertiti - Nofretete

Sanamu ya Nefertiti akisimama iliyotengenezwa kwa mawe ya chokaa. Asili kutoka Amarna, sehemu ya mkusanyiko wa Misri wa Makumbusho ya Berlin .

Wakati wa uhai wa mumewe alitawala pamoja naye, hali ambayo haikuwa kawaida kwa wake wa mafarao.

Nefertiti amekuwa maarufu kutokana na sanamu ya kichwa chake kilichopo sasa katika makumbusho mpya ya Berlin, Ujerumani. Sanamu hiyo ni kati ya kazi za sanaa ya Kimisri zilizonakiliwa zaidi. Ilichongwa na mchongaji Thutmose ikapatikana katika karakana yake.

Viungo vya nje

• • Staatliche Museen zu Berlin: Egyptian Museum and Papyrus Collection Archived 2 Julai 2010 at the Wayback Machine.
  • C. Nicholas Reeves: The Burial of Nefertiti?
  • Habicht M. et al: Who else might be in Pharaoh Tutankhamun's tomb (KV 62, c. 1325 BC)?
  • A 3D model of a bust of Nefertiti