Portland Tribune

Portland Tribune ni gazeti la kuchapishwa kila wiki linalochapishwa kila Alhamisi katika eneo la Portland,Oregon,Marekani.

Portland Tribune
Jina la gazeti	Portland Tribune
Lilianzishwa	2001
Nchi	Marekani
Mhariri	Mark Garber
Mmiliki	Kundi la Pamplin Media
Mchapishaji	Steve Clark
Makao Makuu ya kampuni	6605 S.E. Lake Road Portland, Oregon 97222-2161
Nakala zinazosambazwa	120,000
Tovuti	Tovuti Rasmi ya Portland Tribune

Portland Tribune ni kipande cha Kundi la Pamplin Media, linalochapisha magazeti kadhaa ya kijamii katika eneo la Portland na ,pia, humiliki na huendesha stesheni ya redio ya majadiliano ya KPAM pamoja na stesheni zingine za redio katika eneo la Kaskazini Mashariki mwa Pacific.

Historia

Mfaniyibiashara wa Portland, Robert B. Pamplin Jr. alitangaza nia yake ya kuanzisha gazeti hilo katika mwaka wa 2000. Toleo la kwanza la gazeti hili lililoanza kwa kuchapishwa mara mbili kwa wiki (Jumanne na Ijumaa) lilichapishwa 9 Februari 2001.Likiingia katika soko lililokuwa na magazeti kama The Oregonian (gazeti pekee la habari za jumla) na magazeti ya kila wiki: Willamette Week na The Portland Mercury. Wakati huo, ulikuwa mfano nadra sana wa upanuzi katika biashara ya magazeti kwa sababu kampuni nyingi za magazeti zilikuwa zikifungwa ama zikiungana. Uzinduzi wake ulitangulia kuteremka kwa matangazo katika magazeti. Hili likawa tatizo katika kuanzisha uchapishaji wa gazeti hili. Miezi kumi na moja baada ya uzinduzi,Portland Tribune lilipunguza shughuli zake za kuwasilisha magazeti hadi nyumbani za watu. Gazeti hili liliripotiwa kuleta hasara zaidi kuliko ilivyotarajiwa. Ulipofika mwisho wa mwaka wa 2006, wafanyikazi wa chumba cha habari cha gazeti hili walipunguzwa hadi wakawa 27.

Mnamo 5 Mei 2008, jarida hili lilitangaza kuwa litaanzisha kuchapishwa mara moja kwa wiki, matoleo ya Alhamisi, huku likiambatana na kuandika habari kila siku katika tovuti yake rasmi.

Mnamo Julai 2009, "shida za kiuchumi" zilisababisha kufutwa kazi kwa waandishi wawili wa habari na kujiuzulu kwa mhariri msimamizi, na wafanyikazi wa chumba cha habari cha gazeti hili walipunguzwa wakawa 14.

Vipengele

Jarida hili hujihusisha sana na masuala ya Portland na jimbo la Orego. Jarida hili linajulikana kwa kuandika habari za shule za upili za eneo hilo, timu za michezo hasa za NBA, Pac-10, Mkutano wa mchezo wa Big Sky na Mkutano wa mchezo wa Pwani Magharibi.

Portland Tribune huwa mdhamini wa Shindano la Portland Regional Spelling Bee la wanafunzi wa shule ya daraja la katikati. Mshindi wa shindano hili hushiriki katika Shindano la Scripps National Spelling Bee jijini Washington, D.C.

Marejeo

^ Rogoway, Mike (9 Februari 2001). "Tribune hits porches, newsstands today". The Columbian. ^ Redden, Jim (7 Februari 2006). "Tribune marks five years serving Portland". Portland Tribune. . ^ a b Fost, Dan (1 Agosti 2001). "Twice-weekly Tribune making a run at Portland news market - Wealthy owner may be guarantee of staying power".The San Francisco Chronicle. ^ Jaquiss, Nigel (9 Januari 2002). "The Incredible Shrinking Tribune". Archived 20 Mei 2008 at the Wayback Machine. Willamette Week. .

^ Jaquiss, Nigel (30 Januari 2002). "The incredible shrinking empire of Bob Pamplin: The struggling Portland Tribune is the least of his problems". Archived 20 Mei 2008 at the Wayback Machine. Willamette Week. ^ "Tribune enters next phase with daily newspaper on the Web". Archived 30 Januari 2009 at the Wayback Machine. Portland Tribune. 5 Mei 2008. . ^ Portland Tribune makes more cuts, a 21 Julai 2009 article from the Portland Business Journal ^ Geddes, Ryan (29 Mei 2007). "Tigard teen goes out during semifinals of national spelling bee". Archived 29 Septemba 2011 at the Wayback Machine. The Portland Tribune

Viungo vya nje

• Tovuti Rasmi ya Portland Tribune