Mfuko wa jamii

For specific national programs, see Social Security (United States), National Insurance (UK), Social Security (Sweden), Social Security (Australia).

Usalama wa kijamii ama ruzuku kimsingi ni mpango wa bima ya kijamii inayotoa ulinzi wa kijamii, au ulinzi dhidi ya hali zinazotambuliwa kijamii, ikiwa ni pamoja na umaskini, uzee, ulemavu, ukosefu wa ajira na mengine. Usalama wa kijamii unaweza kumaanisha:

• Bima ya kijamii, ambapo watu hupokea manufaa au huduma katika kutambua michango kwa mpango wa bima. Huduma hizi kwa kawaida ni pamoja na utoaji pensheni ya kustaafu, bima ya ulemavu, faida ya kunusurika na bima ya kukosa ajira.
• Mapato ya kujikimu -hasa usambazaji wa fedha katika tukio la kukatizwa kwa ajira, ikiwa ni pamoja na kustaafu, ulemavu na ukosefu wa ajira
• Huduma zinazotolewa na tawala zinazowajibika na usalama wa kijamii. Katika nchi tofauti hii inaweza kujumuisha matibabu, vipengele vya kazi za kijamii na hata mahusiano katika viwanda.
• Mara chache zaidi, neno hili pia hutumika kumaanisha usalama wa kimsingi, neno lililo karibu sawa na kupata mahitaji msingi-vitu kama chakula, mavazi, malazi, elimu na matibabu.

Bima ya kijamii

Taaluma za kibima zinaelezea bima ya kijamii kuwa ni mpango wa bima unaofadhiliwa na serikali iliyowekwa kwa amri, inayotumikia idadi fulani ya watu, na kufadhiliwa kupitia kwa malipo madogo au kodi inayolipwa na au kwa niaba ya washiriki. Ushiriki aidha ni wa lazima au ni mpango wa ruzuku iliyopunguzwa ya kutosha kiasi kwamba wengi wa watu wanaohitimu huchagua kushiriki.

Nchini Marekani, mipango inayolingana na ufafanuzi huu ni pamoja na Social Security, Medicare, mpango wa PBGC, mpango wa reli wa kustaafu na mipango ya bima ya ajira inayofadhiliwa na majimbo.

Mapato ya kujikimu

Sera hii kwa kawaida hutumiwa kwa kupitia mipango mbalimbali iliyoundwa kutoa mapato kwa idadi fulani ya watu mara wanapokuwa hawawezi kujikimu wenyewe. Mapato ya kujikimu yana msingi katika mchanganyiko wa aina tano kuu za mpango:

• bima ya kijamii, imeelezwa hapo juu
• faida iliyopimwa kwa hali . Huu ni msaada wa kifedha unaotolewa kwa wale ambao hawawezi kugharamia mahitaji yao msingi, kama vile chakula, mavazi na makazi, kutokana na umaskini au ukosefu wa mapato kwa sababu ya ukosefu wa ajira, ugonjwa, ulemavu, au kutunza watoto. Wakati misaada mara nyingi ikiwa katika mfumo wa malipo ya fedha, wale wanaotafuta ustawi wa jamii kwa kawaida wanaweza kupata huduma za afya na elimu bure bila malipo. Kiasi cha msaada kinatosha kugharamia mahitaji ya msingi na kuhitimu mara nyingi ni baada ya kueleweka na kutathminiwa tata kwa hali ya kijamii na kifedha ya mwombaji. Angalia pia, Usaidizi wa Kimapato.
• faida zisizohitaji mchango . Nchi kadhaa zina mipango maalum, zinazotolewa bila kuhitajika kwa michango na vipimo vya hali, kwa watu katika makundi fulani ya haja - kwa mfano, wastaafu wa vikosi vya kijeshi, watu wenye ulemavu na wazee wakongwe.
• faida za hiari . Baadhi ya mifumo yana misingi katika busara ya afisa, kama mfanyakazi wa kijamii.
• faida ya kila mtu au faida ya vikundi, pia inajulikana kama demogrants. Hizi ni faida zisizohitaji michango zinazotolewa kwa sehemu nzima ya wakazi bila vipimo vya hali au haja, kama vile posho za familia au pensheni ya umma katika New Zealand (inayojulikana kama New Zealand Superannuation). Angalia pia, Mfuko wa Kudumu wa Marupurupu Alaska.

Ulinzi wa kijamii

Ulinzi wa kijamii unahusu mkusanyiko wa faida zinazopatikana (au zisizopatikana) kutoka kwa serikali, soko, vyama vya kiraia na nyumba za familia, au kupitia mseto wa njia hizi, kwa mtu / kaya ili kupunguza kulemewa kutoka pande zote. Upungufu huu wa kutoka pande zote unaweza kuwa unawaathiri watu maskini wasio na shughuli nyingi (mfano wazee, walemavu) na watu ambao hushughulika (mfano wasio na ajira). Mpango huu mpana hufanya dhana hii kukubalika zaidi katika nchi zinazoendelea kuliko dhana ya usalama wa kijamii. Usalama wa kijamii zaidi hutumika katika hali, ambapo idadi kubwa ya wananchi hutegemea uchumi rasmi kwa ajili ya kuendesha maisha yao. Kupitia mchango uliowekwa, usalama huu wa kijamii unaweza kutunzwa na kusimamiwa. Lakini, katika muktadha wa uchumi usio rasmi ulioenea, mipangilio rasmi ya usalama wa kijamii karibu haiko kwa idadi kubwa ya wakazi wanaofanya kazi. Mbali na hilo, katika nchi zinazoendelea, uwezo wa serikali kufikia idadi kubwa ya watu maskini unaweza kuwa mdogo kwa sababu ya rasilimali zake chache. Katika mazingira kama haya, mashirika mbalimbali ambayo yanaweza kutoa ulinzi wa kijamii ni muhimu katika kuzingatia sera. Mfumo wa ulinzi wa kijamii kwa hivyo una uwezo wa kuifanya serikali kuwajibika kuhudumia sehemu maskini kwa kusimamia mashirika yasiyo ya kiserikali.

Utafiti shirikishi kutoka kwa Taasisi ya Mafunzo ya Maendeleo ukijadili Ulinzi wa Kijamii kutoka katika mtazamo wa kimataifa, unapendekeza kuwa watetezi wa ulinzi wa kijamii wanaangukia katika makundi mawili pana: 'wanainstrumentalisti' na 'wanaharakati'. 'Wanainstrumentalisti' wanasema kuwa umaskini uliokithiri, kukosekana kwa usawa na mazingira magumu, ni kizingiti katika kufanikisha malengo ya maendeleo (kwa mfano Malengo ya Millenia). Katika mtazamo huu ulinzi wa kijamii unahusu kuweka mipango ya kukabiliana na hatari ambayo itafidia bima isiyo nzima au inayokosa (na) masoko mengine, mpaka wakati bima za kibinafsi zitaweza kuchukua nafasi kubwa zaidi katika jamii. Hoja za 'Kikereketwa' zinaangalia usugu wa umaskini uliokithiri, kukosekana kwa usawa na mazingira magumu, kama dalili za kukiukwa kwa haki za jamii na kutokuwepo kwa usawa kimiundo na huona ulinzi wa kijamii kama haki ya uraia. Ustawi wa maslahi uliolengwa ni hatua muhimu kati ya imani ya kiutu na ubora wa 'kiwango cha chini zaidi cha kijamii kinachohakikishwa' ambapo haki inapenya zaidi ya fedha au chakula na ina msingi msingi katika uraia, sio uhisani.

Angalia Pia

• Ulinzi wa kiraia
• Idara ya Kazi na Pensheni
• Shirika la Mfuko wa Provident wa Wafanyakazi la India
• Uhasibu wa kivizazi
• Mfumo wa huduma za afya
• Haki za binadamu
• Usalama wa binadamu
• Intergenerationality
• Muungano wa Kimataifa wa Usalama wa Kijamii
• Franco Modigliani
• Huduma ya Kitaifa ya Afya
• Kuzuia
• Afya inayofadhiliwa na umma
• Bima ya afya ya kitaifa
• Sera za kijamii
• Wavu wa usalama wa kijamii
• Usimamizi wa Usalama wa Kijamii
• Mjadala wa Usalama wa Kijamii (Marekani)
• Bima ya Usalama wa Kijamii ya Ulemavu
• Nambari ya Usajili ya Usalama wa Kijamii
• Mfuko wa Usalama wa Kijamii
• Usalama wa Kijamii (Australia)
• Usalama wa Kijamii nchini Ufaransa
• Usalama wa Kijamii (Marekani)
• Utoaji kwa Ustawi wa maslahi ya kijamii
• Shirika la Usalama wa Kijamii la Afrika Kusini
• Nguzo Nne
• Haki za Ustawi wa Maslahi
• Hali ya Ustawi wa Maslahi

Fasihi

Ya msingi sana

• 'Reforming European Pension Sytems' [[(Arun