Mto Leam

Mto Leam au Mto Leame ni mto mdogo nchini Uingereza unaopita mashariki na kusini mwa Warwickshire unaoishia katika mto Avon. Ni mto ambao una urefu usiozidi kilomita 50. Mji wa Leamington Spa huwa juu yake na ulipokea jina lake kutoka mto huu.

Mto Leam karibu na daraja la Willes Road

Mkondo

Mto katika Eathorpe na kiwanda kilichotupiliwa katika kulia na Millhouse kushoto

Kituo cha kupima maji cha Severn Trentkatika Mto Leam katika Kites Hardwick

Mto Leam huanza karibu na kijiji cha Hellidon katika Northamptonshire upande wa kaskazini ya kundi la vilima ambavyo ni tengamaji kati ya beseni za Mto Thames na Mto Severn. Chanzo cha Leam iko chini ya kilomita 1 kutoka chanzo cha Mto Cherwell ambao ni tawimto la Thames.

Maili mbili kutoka chanzo chake, Mto Leam hupita chini ya barabara kuu ya A425 kutoka Daventry hadi Southam. Kutoka hapa hadi kijiji cha Braunston huwa mpaka kati ya Northamptonshire na Warwickshire. Katika Braunston, mto huu umevukiwa na daraja unaobeba mfereji wa Grand Union.

Magharibi ya Braunston, Mto Leam hufunguka katika bonde pana na sawa na kutiririka katika mashamba kupitia kijiji kidogo cha Grandborough ambapo kulikuwa na mashine ya kusaga iliyoendeshwa na nguvu ya maji.

Mto huu hupita kaskazini ya Hamlet ya Kites Hardwick katika barabara ya A426 ambapo kuna skeli ya kupima kimo cha maji na kituo cha ondoa maji kwa matumizi ya kibinadamu.

Kutoka hapa, bonde la mto huwa nyembamba baada ya kupitia vijiji vya Leamington Hastings na Birdingbury. Katika Marton mto huu huwa na daraja ya barabara ya A423. Hadi miaka ya 1990 daraja la kale lilizamishwa katika maji mara kwa mara wakati wa majira ya mvua. Daraja hili lililojengwa katika enzi za kati linabaki kando na magari yanapita daraja jipya lililo juu zaidi.

Kuna mashine za kusaga kwa maji tena kwenye vijiji vya Eathorpe na Hunningham. Baada ya Hunningham, mto huu hupitia Offchurch inayokumbukwa kama nyumbani kwa mfalme Offa of Mercia.

Baada ya Offchurch, Mto Leam huingia nje ya mji wa Leamington Spa kando ya mfereji wa Grand Union - hata hivyo, mtaro huu umefuata mto huu katika vituo mbalimbali kutoka Braunston.

Baada ya kupita pampu ya maji katikati mwa Leamington Spa, Mto Leam hutiririka maili mbili zaidi hadi kujiunga na Mto Avon kati ya Warwick na Leamington.

Matawimto

Vijito vidogo kadhaa vinaingia katika mto Leam.

Angalia pia

• Mito ya Uingereza