Mtumiaji:Lucas559/Bulimia nervosa

Lucas559/Bulimia nervosa
Mwainisho na taarifa za nje
Kundi Maalumu	Taaluma ya tiba ya magonjwa ya akili, saikolojia ya kimatibabu
Dalili	Kula chakula kingi kwa kipindi cha muda mfupi na kufuatiwa na kutapika au utumiaji wa dawa za kuharisha, mara nyingi uzani wa mwili huwa wa kawaida
Visababishi	Sababu za Kijenetiki na za kimazingira
Njia ya kuitambua hali hii	Kulingana na historia ya kimatibabu ya mtu
Utambuzi tofauti	Anoreksia, ugonjwa wa kula kupita kiasi, ugonjwa wa Kleine-Levin, ugonjwa wa kutotulia kihisia
Matibabu	Tiba ya utambuzi wa tabia
Dawa	Vizuizi vya Selective serotonin reuptake, dawa ya mfadhaiko ya tricyclic
Utabiri wa kutokea kwake	Nusu ya watu hupona katika muda wa zaidi ya miaka 10 wakiwa chini ya matibabu
Idadi ya utokeaji wake	Iliwaathiri watu milioni 3.6 (mwaka wa 2015)

Bulimia nervosa, inayojulikana pia kama bulimia, ni ugonjwa wa kula unaojulikana kwa dalili zake za ulaji wa kupita kiasi unaofuatiwa na uondoaji wa chakula mwilini kwa makusudi. Ulaji wa kupita kiasi unamaanisha kula kiasi kingi cha chakula kwa kipindi cha muda mfupi, Uondoaji wa chakula mwilini hufanywa kwa kutapika au kuchukua dawa za kuharisha. Jitihada zingine za kupunguza uzito zinaweza kujumuisha matumizi ya dawa za diuretiki, vichocheo, kutokunywa maji, au kufanya mazoezi kupita kiasi. Watu wengi wenye bulimia wana uzani wa kawaida. Kujilazimisha kutapika kunaweza kusababisha ngozi kuwa nene kwenye vifundo na kuvunjika kwa meno. Bulimia mara nyingi huhusishwa na matatizo mengine ya akili kama vile unyogovu, wasiwasi nyingi na matatizo ya matumizi ya dawa za kulevya au pombe. Pia kuna hatari kubwa ya kujiua na kujidhuru.

Bulimia ni ugonjwa unaotokea zaidi kati ya watu ambao wana jamaa wa karibu walio na ugonjwa huo. Asilimia ya hatari ambayo inakadiriwa kutokana na jeni ni kati ya asilimia 30% na 80%. Sababu zingine za hatari za ugonjwa huu ni pamoja na mfadhaiko wa kisaikolojia, shinikizo la kitamaduni la kufikia aina fulani ya mwili, kutojithamini na unene wa kupita kiasi. Kuishi katika jamii inayohamasisha ufuataji wa lishe maalumu na kuwa na wazazi ambao wana wasiwasi kuhusu uzani pia ni hatari. Utambuzi wake unategemea historia ya matibabu ya mtu; hata hivyo, hili ni gumu, kwani kwa kawaida watu huwa wasiri kuhusu tabia zao za ulaji wa kupita kiasi na uondoaji wa chakula mwilini kwa makusudi. Isitoshe, utambuzi wa anoreksia nervosa huchukua nafasi ya kwanza kuliko ile ya bulimia. Matatizo mengine kama hayo ni pamoja na ugonjwa wa kula kupita kiasi, ugonjwa wa Kleine-Levin na ugonjwa wa kutotulia kihisia.

Tiba ya utambuzi wa tabia ndiyo matibabu makuu ya bulimia. Dawa za kuzuia mfadhaiko za kizuizi cha selective serotonin reuptake (SSRI) au aina za dawa za mfadhaiko za tricyclic zinaweza kuwa na manufaa ya kawaida. Ingawa matokeo zinapotumiwa kutibu bulimia kwa kawaida ni bora kuliko ya wale walio na anoreksia, hatari ya kutokea kwa kifo miongoni mwa wale walioathiriwa ni kubwa kuliko ile ya watu kwa ujumla. Ukifika miaka 10 baada ya kupokea matibabu, karibia asilimia 50% ya watu huwa wamepona kabisa.

Ulimwenguni, bulimia ilikadiriwa kuathiri watu milioni 3.6 mwaka wa 2015. Takribanasilimia 1% ya vijana wanawake wana bulimia kwa kipindi cha wakati fulani na karibia asilimia 2% hadi 3% ya wanawake wana hali hiyo katika kipindi cha wakati fulani katika maisha yao. Hali hiyo haipatikani sana katika nchi zinazoendelea. Bulimia ina uwezekano wa kutokea mara tisa zaidi kwa wanawake kuliko wanaume. Miongoni mwa wanawake, viwango vyake ni vya juu zaidi kwa vijana watu wazima. Bulimia ilitajwa na kuelezewa kwanza na daktari wa akili wa Uingereza Gerald Russell mwaka wa 1979.