Kesi ya Tapela

Tapela na Mwingine dhidi ya Mwanasheria Mkuu wa Serikali na Wengine ni kesi ya kisheria nchini Botswana inayohusu haki ya wafungwa wawili walio na VVU wasio raia kupata dawa za kurefusha maisha (ARV) kwa gharama za serikali. Mnamo tarehe (22) Agosti 2014, Mahakama Kuu ya Botswana huko Gaborone iliamuru serikali ya Botswana kutoa dawa za ARV kwa wafungwa hao.

Historia

Kesi hiyo ilifunguliwa na raia wawili wa Zimbabwe waliofungwa katika Gereza Kuu la Gaborone na Mtandao wa Maadili, Sheria na VVU / UKIMWI wa Botswana (BONELA). Wafungwa hao wawili waligundulika kuwa na VVU gerezani. Walinyimwa matibabu ya (ARV) licha ya kwamba hali zao za mwili zilikidhi vigezo vya matibabu chini ya Mwongozo wa Matibabu wa serikali. Serikali iliwanyima matibabu ya (ARV) kwa msingi kwamba hawakuwa raia. Wafungwa walio na VVU ambao walikuwa raia walipewa matibabu ya ARV kwa gharama ya serikali kulingana na sera ya serikali wakati huo.

Madai

Wafungua kesi walileta changamoto ya kisheria dhidi ya kukataa kwa serikali kuwapa wafungwa matibabu ya ARV katika Mahakama Kuu huko Gaborone. Walisema kuwa kunyimwa kwao upatikanaji wa matibabu, na sera inayosababisha kukataa kwa serikali kutoa matibabu, ilikuwa kinyume cha sheria na ni kinyume cha katiba.