Trilioni

Trilioni (kutoka Kiingereza "trillion") ni namba ambayo inamaanisha milioni mara elfu mara elfu moja, au milioni mara milioni na kuandikwa 1,000,000,000,000.

Inafuata 999,999,999,999 na kufuatwa na 1,000,000,000,001.

Inaweza kuandikwa pia kifupi 1 × 10¹².

Matumizi tofauti

Hesabu ya juu inafuata Kiingereza cha Marekani; kwa lugha nyingi za Ulaya trilioni ni 10¹⁸ na 10¹² wanaita "bilioni".

Kimataifa kuna kawaida mbili tofauti kwa kutaja namba kuanzia milioni elfu moja au 10⁹ . Zinaitwa "skeli ndefu" na "skeli fupi":

• Kwenye skeli ndefu 10¹² inaitwa bilioni na trilioni ni 10¹⁸. Wanatumia namba hivi: milioni 10⁶, miliardi 10⁹, bilioni 10¹², biliardi 10¹⁵, trilioni 10¹⁸, triliardi 10²¹, quadrilioni 10²⁴ na kadhalika. Skeli hii ni kawaida katika lugha nyingi za Ulaya pamoja na Kiingereza cha miaka iliyopita nchini Uingereza.

• Kwenye skeli fupi bilioni inaitwa 10⁹ na trilioni ni 10¹². Wanatumia namba hivi: milioni 10⁶, bilioni 10⁹, trilioni 10¹², quadrilioni 10¹⁵, quintilioni 10¹⁸, sextilioni 10²¹, na kadhalika. Hii ni kawaida nchini Marekani na siku hizi pia Uingereza.

Mifumo yote miwili hutumia silabi za namba za Kilatini bi = 2, tri = 3, quadri = 4, quinti = 5, sexti = 6 na kadhalika ila hali halisi kwa namba kubwa sana ni kawaida kutumia umbo la tarakimu lama vile 10⁶, 10⁹, 10¹² na kadhalika.

Inatokea mara nyingi ya kwamba skeli zote mbili zinachanganywa wakati wa kutafsiri vitabu au makala. Hapo ni afadhali kurudia namba kwa tarakimu.

Matumizi ya mifumo ya "short scale" na "long scale" duniani

     "Short scale", 1,000,000,000 au 10⁹ inaitwa bilioni      Long scale, 1,000,000,000 au 10⁹ inaitwa miliardi      Mifumo yote miwili kandokando      Mifumo tofauti

Tazama pia

• Milioni
• Bilioni