Haki za binadamu nchini Tanzania

Haki za binadamu nchini Tanzania haziheshimiwi kiasi cha kuridhisha. Kwenye ripoti "Uhuru katika Ulimwengu ya mwaka 2013, Freedom House iliainisha kuwa nchi hiyo ni "Huru kwa sehemu".

Baraza la Haki za Binadamu la Umoja wa Mataifa mnamo Oktoba 2011 katika mkutano wake huko Geneva lilikamilisha Mapitio ya Ulimwenguni (UPR) ya hali ya haki za binadamu nchini Tanzania. Katika Pitio hilo, Timu ya Umoja wa Mataifa (UNCT) na nchi kadhaa zilishughulikia matatizo mbalimbali nchini Tanzania.

Usawa wa kijinsia

UNCT ilisema,

Tathmini za kitaifa za usawa kati ya wanaume na wanawake ... zimebainisha changamoto mbalimbali ..., ambazo zinaendelea kuwakumba. Hizi ni pamoja na ongezeko la umaskini kwa wanawake; ukosefu wa usawa katika mipangilio ya shughuli za uzalishaji na upatikanaji wa rasilimali; ukosefu wa usawa katika kugawana madaraka na kufanya maamuzi; ukosefu wa heshima na uendelezaji duni na ulinzi wa haki za binadamu na wanawake; na kukosekana kwa usawa katika kusimamia maliasili na kulinda mazingira. . . . Hatua zinapaswa kuchukuliwa kutokana na ubaguzi mkubwa wa wasichana katika nyanja tofauti za maisha, ikiwa ni pamoja na elimu, na kutengwa kabisa kwa wengi kutokana na ndoa za mapema na za kulazimishwa.... Ukatili wa kijinsia umeenea sana. Kulingana na uchunguzi uliofanywa na Shirika la Afya Ulimwenguni mwaka wa 2005, asilimia 41 ya wanawake walioishi na wenzi huko Dar es Salaam walifanyiwa ukatili wa kimwili au kingono na wenzi wao.  : ¶ ^{24–6, ukurasa wa 6} 

Tanzania iliunga mkono pendekezo la Denmark la, "Kuanzisha mkakati wa kina na sheria madhubuti ili kuondoa Tabia ya ubaguzi dhidi ya wanawake....  : ¶ ^{85.22, ukurasa wa 14}  Tanzania pia iliunga mkono pendekezo la Ghana la, "Kuanzisha mkakati wa kina... kubadilisha au kuondoa mazoea ya kitamaduni na vielelezo vya ubaguzi dhidi ya wanawake......  : ¶ ^{85.23, ukurasa wa 14}