Tyra Banks

Tyra Lynne Banks (alizaliwa 4 Desemba 1973) ni mwigizaji, mwanamitindo, mfanyabiashara na mwimbaji nchini Marekani. Alipata umaarufu kama mwanamitindo alipokuwa kwenye miji ya Paris, Milan, London, Tokyo na New York. Banks ni mbunifu na mtangazaji mkuu wa kipindi cha America's Next Top Model. Yeye pia ni mbunifu wa True Buauty na mtangazaji wa kipindi cha mahojiano cha The Tyra Banks Show.

Tyra Banks
Tyra Banks
Amezaliwa	Tyra Lynne Banks 4 Desemba 1973 Marekani
Kazi yake	ni mwigizaji, mwanamitindo, mfanyabiashara na mwimbaji nchini Marekani

Maisha yake

Tyra Banks alizaliwa mjini Inglewood, California; mwana wa Carolyn na Donald Banks. Wazazi wake waliachana pindi Tyra alipokuwa na miaka sita. Baadaye, Carolyn aliolewa na Clifford Johnson. Banks alisoma katika shule ya John Burroughs iliyopo mjini Los Angeles na kisha akaenda katika shule ya upili ya Immaculate Heart.

Kazi yake

Mwanamitindo

Tyra alianza uanamitindo alipokuwa darasa la 11. Baadaye, alienda mjini Paris kwa ajili ya kufanya kazi hii. Katika wiki yake ya kwanza mjini Paris, Tyra alipata umaarufu na mafanikio yaliyovunja rekodi kwani ilikuwa mwanzo wake katika uanamitindo. Yeye alishirikiana Anna Sui, CoverGirl, Badgley Mischka, Bill Blass, Chanel, Christian Dior, Dolce & Gabbana, H&M, McDonald's, Pepsi, Nike, Victoria's Secret na Yves Saint Laurent. Yeye ameonekana kwenye majalada maarufu kama Vogue, Harper's Bazaar, Cosmopolitan na Elle. Mnamo 1997, Tyra alipokea tuzo la VH1 Award for Supermodel of the Year. Mwaka huo huo, yeye alikuwa Mwamerika mweusi wa kwanza kutokea kwenye kasha ya jalada la Victoria's Secret.

Filamu na televisheni

Banks alianza kuigiza kwenye msimu wa nne wa kipindi cha The Fresh Prince of Bel-Air ambapo aliigiza kama Jackie Ames. Aliigiza kwenye vipindi kama Felicity, MADtv na The Price Is Right

Hivi sasa yeye ana kipindi cha mahojiano cha The Tyra Banks Show, kilichoanza mnamo 12 Septemba 2005. Vilevile, yeye ni hakimu kwenye kipindi cha America's Next Top Model. Mnamo 2008, Banks alishinda tuzo la Daytime Emmy Award kwa kazi yake kwenye The Tyra Banks Show.

Banks amesema kuwa ataigiza kama Ursula Nyquist kwenye kipindi cha Gossip Girl msimu wa tatu.

Muziki

Banks ameonekana kwenye video za muziki kama "Black or White" ya Michael Jackson, "Love Thing" ya Tina Turner na kwenye wimbo wa "Too Funky" ya George Michael.

Filamu

Film
Mwaka	Filamu	Aliigiza kama	Maelezo
1995	Higher Learning	Deja
1999	Love Stinks	Holly Garnett
2000	Love & Basketball	Kyra Kessler
	Life-Size	Eve Doll
	Coyote Ugly	Zoë
2002	Halloween: Resurrection	Nora Winston
	Eight Crazy Nights	Victoria's Secret Gown	Sauti yake pekee
2007	Mr. Woodcock	Mwenyewe
2008	Tropic Thunder	Mwenyewe
2009	Hannah Montana	mwenyewe
Vipindi
Mwaka	Kipindi	Aliigiza kama	Maelezo
1993	The Fresh Prince of Bel-Air	Jackie Ames	Aliigiza kwenye vipindi vifuatavyo: Where There's a Will, There's a Way: 1 All Guts, No Glory Father of the Year Blood Is Thicker Than Mud Fresh Prince After Dark Take My Cousin... Please You've Got to Be a Football Hero
1999	Felicity	Jane Scott	Aliigiza kwenye vipindi vifuatavyo: A Good Egg Kissing Mr. Covington One Ball, Two Strikes
	Just Shoot Me!	Mwenyewe	Aliigiza kwenye vipindi vifuatavyo: Nina Sees Red: 1 Nina Sees Red: 2
2000	MADtv	Katisha Latisha Parisha Farisha Johnson	Kipindi #5.17 Kipindi #5.25
2003-hadi leo	America's Next Top Model	Hakimu	Tyra ni hakimu na mtunzi wa kipindi hiki
2004	American Dreams	Carolyn Gill
	All of Us	Roni
2005-2010	The Tyra Banks Show	Mtangazaji	Kipindi cha mahojiano
2009	Gossip Girl	Ursula Nyquist

Viungo vya nje

• Tyra Banks at the Internet Movie Database
• Tyra Banks katika All Movie Guide
• banks Tyra Banks katika People.com
• The Tyra Banks Show website
• The New York Times profile/interview