U.N.I.T.Y.

"U.N.I.T.Y" ni jina la kutaja wimbo ulioshinda Tuzo za Grammy - ambao umeimbwa na rapa/mwigizaji Queen Latifah kutoka katika albamu yake ya mwaka wa 1993, Black Reign. Kibao kilitolewa mnamo tarehe 6 Januari, 1994, anakemea masuala ya utovu wa nidhamu dhidi ya wanawake, anagusia masuala ya kero za mtaani, unyanyasaji majumbani, na kutoa la moyoni juu ya wanawake wanavyochukuliwa katika tamaduni ya hip-hop.

“U.N.I.T.Y.”
Single ya Queen Latifah kutoka katika albamu ya Black Reign
Imetolewa	November 9, 1993 (US) January 6, 1994 (UK)
Muundo	12", CD single, cassette single
Imerekodiwa	1993
Aina	Jazz rap
Studio	Motown Records
Mtunzi	Queen Latifah, Kier "Kay Gee" Gist wa Naughty By Nature
Mtayarishaji	Kay Gee
Mwenendo wa single za Queen Latifah
"Just Another Day..." (1993) "U.N.I.T.Y." (1993) "Black Hand Side" (1994)

Kutokana na ujumbe uliobeba, vituo vya redio na TV walipiga wimbo huu bila kujali maneno yake makali ambayo ni "bitch" (mbwa jike) na "hoes" (changudoa, mwuza mwili wake kwa kipato), ambayo yanatokea kila wakati katika mashairi yake, hasa katika kiitikio mstari unasema "who you callin' a bitch?!" ambayo unamalizia ubeti. Wimbo umechukua sampuli ya "Message from the Inner City" wa The Crusaders. Wimbo pia ulipata kuonekana kwenye ucheshi wa Living Single, mfululizo wa Latifah uliorushwa mwaka huohuo.

Kuna toleo jingine ambalo nalo lilipata kupigwa sana maredioni na kwenye ma-TV linaitwa "U.N.I.T.Y. (Queen Ruff Neck Boot)", ambalo lina mapigo sawa na toleo la kwenye albamu, limepunguza sampuli ya jazz na kuingizwa mikito ya kihip-hop zaidi. Vilevile inaweza kupatikana kama toleo safi kwenye "20th Century Masters: The Millennium Collection: The Best of Queen Latifah" & "Hip-Hop: Gold".

Mwaka wa 1995 wimbo ulishinda Grammy Award kwa ajili Best Rap Solo Performance. Wimbo umebaki kuwa wimbo pekee wa Latifah kutamba vilivyo nchini Marekani hadi leo hii, na wimbo wake pekee kufikia nafasi ya 30 kwenye chati za Billboard Hot 100.

Muziki wa video

Muziki wa video uliongozwa na Mark Gerard ambaye pia aliongoza wimbo wake wa "Just Another Day...". Katika video, Latifah anaendesha pikipiki, ambayo ilitengenezwa kwa ajili ya kaka yake Lance, ambaye alikufa katika ajali ya pikipiki mnamo mwaka wa 1992. Funguo anazozidaka mwanzoni na kuzivaa katika wimbo mzima ni funguo zake za pikipiki ya kaka yake.

Waliouza sura katika video ni pamoja na kundi la rap la Naughty by Nature.

Michakaliko katika chati

Wimbo ulipata mafanikio kwa kushika nafasi ya 23 kwenye chati za The Billboard Hot 100. Wimbo ulikuwa miongoni mwa single zilizotamba mno kwenye chati za Billboard Hot Rap Singles, kwa kushika nafasi ya #2; meshika nafasi ya #7 kwenye chati za Billboard Hot R&B/Hip-Hop Songs chart.

Nafasi ilizoshika Chati (1994) Nafasi iliyoshika UK Singles Chart 74 U.S. Billboard Hot 100 23 U.S. Billboard Hot R&B/Hip-Hop Songs 7 U.S. Billboard Hot Rap Tracks 2

Chati za mwishoni mwa mwaka Chati za mwisho wa mwaka (1994) Nafasi U.S. Billboard Hot 100 82

Remix

Toleo la remix, linalojulikana kama "Big Titty Remix", linapatikana katika single yake ya "Just Another Day...".

Katika vyombo vingine

Wimbo ulipigwa mwishoni mwa filamu ya mwaka wa 1996 Girls Town.

Viungo vya Nje

• Lyrics of this song at MetroLyrics