Waaugustino

Waaugustino ni hasa watawa wanaofuata kanuni ya Agostino wa Hippo. Kwa Kilatini shirika lao linaitwa Ordo Fratrum Sancti Augustini. Tangu muda mrefu linahesabiwa kati ya mashirika ya ombaomba.

Historia

Katika karne XII zilikuwepo jumuia nyingi zilizofuata kanuni hiyo. Katikati ya karne XIII, kwa juhudi za kardinali Riccardo Annibaldi, ulianza mchakato wa kuziunganisha.

Tarehe 16 Desemba 1243 Papa Inosenti IV alitoa hati Incumbit nobis ili kuhimiza mchakato huo, hata Machi 1244 shirika likaanzishwa.

Baadhi ya Waaugustino katika karne zilizofuata walifanya juhudi za urekebisho na kuanzisha matawi mapya.

Takwimu

Tarehe 31 Desemba 2005, mbali na matawi hayo yaliyojitegemea, shirika lilikuwepo katika mabara yote likiwa na konventi 448 na watawa 2.803, ambao 2.088 kati yao walikuwa mapadri.

Kati ya nchi 24 ambako shirika linaishi, kuna Kenya na Tanzania.

Viungo vya nje

• Shirika la Waaugustino