Ajantha Perera

Ajantha Wijesinghe Perera ni mwanasayansi, mhadhiri wa chuo kikuu, mwanaharakati wa mazingira na mwanasiasa wa Sri Lanka. Anajulikana kwa juhudi zake za kumaliza mzozo wa takataka nchini Sri Lanka na anajulikana kama Malkia wa Taka. Alianzisha Mpango wa Kitaifa wa Urejelezaji wa Taka Ngumu ili kutatua mzozo wa takataka.

Ajantha Perera (2019)

Maisha ya awali na elimu

Ajantha Perera alimaliza masomo yake ya juu nchini Uingereza na kurudi Sri Lanka akiwa na umri wa miaka 23. Alijiunga na Chuo Kikuu cha Kelaniya kama mhadhiri msaidizi wa Biokemia, Fiziolojia na Zoolojia . Alijiunga na Chuo Kikuu cha Colombo kama mhadhiri mkuu katika Mafunzo ya Mazingira ambapo pia alikamilisha kuhitimu kwake.

Kazi

Perera amefanya kazi kama mtaalam katika wizara kadhaa nchini Sri Lanka na Fiji . Kwa sasa anafanya kazi za kutengeneza mkakati wa usimamizi wa urejeleaji wa taka ngumu nchini. Alipendezwa na siasa mwaka 2019 na kugombea Chama cha Kisoshalisti cha Sri Lanka kwenye Uchaguzi wa Rais wa 2019 na alipata kura 27,572 akidai nafasi ya saba kati ya wagombea.

Alikua mgombea Urais wa kwanza mwanamke kugombea katika uchaguzi baada ya miaka 20.

Mnamo Februari 2020, alijiunga na chama cha UNP kufuatia mwaliko uliopendekezwa na kiongozi wa UNP Ranil Wickremesinghe na kusisitiza kwamba babu yake pia alikuwa amewakilisha chama icho hapo awali. Alishiriki pia katika uchaguzi wa 2020 wa ubunge wa Sri Lanka akiwakilisha Chama cha Kitaifa cha Umoja kutoka wilaya ya Colombo.

Marejeo

Makala hii kuhusu mwanasiasa fulani bado ni mbegu. Je, unajua kitu kuhusu Ajantha Perera kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.