Bata, Equatorial Guinea

Bata ni mji wa bandari katika mkoa wa Litoral wa Guinea ya Ikweta. Ni makao makuu ya mkoa wa Litoral na pia ya kanda la Rio Muni. Kwenye mwaka 2015 inakadiriwa idadi ya watu 290,000 na hivyo ni mji mkubwa wa nchi hiyo.

Bata
Mahali pa Bata
Majiranukta: 01°51′54″N 09°46′12″E
Nchi	Guinea ya Ikweta
Mkoa	Litoral
Mwinuko	5 m (16.4 ft)
Idadi ya wakazi (2012)
- Wakazi kwa ujumla	250,770
Jina la watu	Batense (mmoja) Batenses (wengi)
Kodi ya simu	08
Tabianchi	Am

Iko kwenye pwani ya Bahari ya Atlantiki ya kanda ya Río Muni ambayo ni sehemu ya kibara ya nchi. Bata ni kitovu cha usafiri na bandari, ambapo feri husafiri hadi mji mkuu Malabo na Douala nchini Kamerun, wakati ndege zinaweza kutua katika Uwanja wa Ndege wa Bata.

Bandari ya Bata ni kati ya bandari zenye kina kirefu zaidi katika Afrika ya Magharibi. Hata hivyo, Bata haina beseni ya asili na gati lilijengwa ili kusaidia uhamisho wa shehena za meli. Bidhaa kuu zinazouzwa nje ni mbao na kahawa . Bandari hiyo ilipanuliwa kwa sehemu na mikopo ya ushirikiano wa China, na uwezo wake ni tani milioni 6,5 na kontena za TEU 300,000 kila mwaka.