Bungu (kiwavi)

Bungu
Bungu
Uainishaji wa kisayansi
Himaya: Animalia (Wanyama) Faila: Arthropoda (Wanyama wenye miguu yenye viungo) Ngeli: Insecta (Wadudu) Ngeli ya chini: Pterygota (Wadudu wenye mabawa) Oda: Lepidoptera (Wadudu walio na mabawa yenye vigamba) Nusuoda: Glossata
Ngazi za chini
Familia 5: Crambidae Latreille, 1810 Gelechiidae Stainton, 1854 Noctuidae Latreille, 1809 Pyralidae Latreille, 1809

Bungu ni viwavi wanaotoboa mashina na maganda ya mbegu ya mimea mbalimbali, hususa nafaka na nyasi nyingine. Huitwa funza-mabua pia, lakini jina funza hutumika kwa kawaida kwa viwavi wanaotoboa matunda, k.m. funza-mpamba.

Viwavi wa spishi zote hupenya na kula tishu za ndani ya mashina au maganda ya mbegu ya mimea ya kimelewa, ingawa viwavi wa hatua za kwanza wa kundi la pili wanaweza kuanza kushambulia majicho ya maua, maua na mashina machanga. Wapevu hutofautiana sana kwa kuonekana na wanashiriki tu sifa za jumla za nondo. Tazama makala kuhusu spishi za kibinafsi kwa taarifa zaidi.

Spishi za Afrika

Crambidae

• Chilo agamemnon, Bungu wa Sudani
• Chilo partellus, Bungu Madoa
• Chilo sacchariphagus, Bungu-miwa Madoa
• Chilo zacconius, Bungu Milia
• Coniesta ignefusalis, Bungu wa Mwele
• Duponchelia fovealis, Bungu wa Pilipili
• Maruca vitrata, Bungu wa Soya
• Niphograpta albiguttalis, Bungu wa Yasintho-maji
• Scirpophaga melanoclista, Bungu Mweupe wa Mpunga

Gelechiidae

• Aproaerema modicella, Bungu wa Mnjugu

Noctuidae

• Busseola fusca, Bungu wa Mhindi
• Sesamia calamistis, Bungu Pinki wa Afrika
• Sesamia cretica, Bungu wa Mtama
• Sesamia nonagrioides, Bungu Pinki Magharibi

Pyralidae

• Eldana saccharina, Bungu wa Muwa
• Maliarpha separatella, Bungu Mweupe wa Afrika