Wikipedia

Jason Dunford

Edward Jason Dunford (alizaliwa Nairobi, 28 Novemba 1986) ni mwogeleaji kutoka Kenya. Yeye hushindana katika mashindano ya uogeleaji ya "butterfly" na "freestyle".

Personal information
Full nameJason Edward Dunford
NationalityBendera ya Kenya Kenya
Height6 feet 0 inches (m 1.83)
Weightlb 165 (kg 75)
Sport
SportSwimming
Stroke(s)Butterfly, freestyle
College teamStanford University

Ameshinda medali ya dhahabu katika mashindano ya Universiade, michezo ya All-Africa na mashindano ya ubingwa wa Afrika, na kufika fainali katika mashindano ya Olimpiki, mashindano ya ubingwa wa Dunia na kozi fupi ya ubingwa wa Dunia. Ameshikilia pia rekodi za Afrika, Universiade na Olimpiki. Mengi ya mafanikio yake hayajawahi kuonekana kamwe katika historia ya uogeleaji ya Kenya .

Familia hariri

Jason ni mwana wa Martin na Geraldine Dunford. Martin Dunford ni Mwenyekiti wa kundi la Tamarind ambayo inamiliki hoteli maarufu ya Carnivore. [1] Geraldine, mjukuu Block Ibrahim, mwanzilishi wa hoteli za Block, ni mtendaji wa masoko. Martin pia ni makamu wa mwenyekiti wa Shirikisho ya Uogeleaji ya Kenya na mlezi wa Nairobi Amateur Swimming Association (NASA).

Dunford ana ndugu wawili, Robert na David. Kifungua mimba, Robert, alihitimu katika shule ya kiuchumi ya London ambapo alikuwa nahodha wa klabu ya raga. Kitinda mimba, David, pia ni mwogeleaji anayewakilisha Kenya. Familia hiyo ni ya Wazungu wachache nchini Kenya.

Wasifu hariri

Wasifu wa Mapema hariri

Jason Dunford alianza kuogelea akiwa na umri wa miaka mitano akiwa Kenton College, shule ya msingi mjini Nairobi, chini ya kocha Andrew Nderu, ambapo alijiimarisha katika makundi ya umri mjini Nairobi. Akiwa na umri wa miaka 13, mwogeleaji huyu mwenye kipaji alikwenda kusoma katika Chuo cha Marlborough (ambacho ni skuli ya upili) nchini Uingereza.[2]

Dunford alishindana katika mashindano ya kozi fupi ya ubingwa wa Dunia mwaka wa 2004 huko Indianapolis, na mwaka wa 2005 mjini Montreal katika mashindano ya ubingwa wa Dunia, lakini aliambulia patupu katika raundi za kwanza.[3]

Akiwa chuoni Marlborough alikutana na kocha Petro O'Sullivan, ambaye alikuwa mwogeleaji mkuu wa kimataifa wa Uingereza wa kitambo katika masafa ya mita 400 ya kibinafsi. O'Sullivan alikuwa ameogelea katika Chuo Kikuu cha Georgia, na ni yeye aliyempa moyo Jason kwenda kusomea katika chuo za Marekani ndiposa aweze kuendeleza wasifu wake wa uogeleaji. Mwaka wa 2005, baada ya kumaliza gredi zake za A (A-levels), Dunford alihamia katika Chuo Kikuu cha Stanford, Marekani ambako alipata udhamini wa uogeleaji. Wakati huu yeye anasomea Biolojia ya Binadamu.[4]

2006-2007 - Kilele wa Bara hariri

Katika kozi fupi mashindano ya ubingwa wa Dunia ya 2006 huko Shanghai alifika nusu fainali katika matukio mawili: mita 100 "freestyle" na mita 100 "butterfly".[5]

Mashindano ya kuogelea ya mabingwa barani Afrika ya 2006 mjini Dakar, Senegal, ndio ulioanzisha mafanikio yake kwani alikuwa Mkenya wa kwanza milele kushinda medali ya bara ya kuogelea kwa kushinda dhahabu katika shindano la "butterfly" la mita 100 siku ya kwanza ya mashindano hayo. Alimaliza mashindano haya na medali mbili za dhahabu("butterfly" mita 100 na "backstroke" mita 50), tatu za fedha ("butterfly" mita 50 kipepeo,"freestyle" mita 100 na mita 200) na moja ya shaba ("freestyle" mita 50).[4] Isitoshe alivunja idadi ya rekodi kadha za kitaifa. Kakake mdogo David Dunford pia alifanya vyema kwa kushinda medali mbili za dhahabu na moja ya fedha ("backstroke" mita 100, "backstroke" mita 200 na "backstroke" mita 50) [6]

Mafanikio yake yalimwezesha kupata nafasi ya pili katika kundi la tuzo la mwanaspoti wa mwaka wa Kenya mwaka wa 2006, nyuma Alex Kipchirchir, mmoja wa wakimbiaji wengi wa Kenya wenye uungwana duniani. Kakake Daudi Dunford alteuliwa kama mwanaspoti anayeahidi katika tuzo hizo.[7]

Dunford alishiriki katika mashindano kadhaa katika mashindano ya ubingwa wa Dunia wa mwaka wa 2007 huko Melbourne, Australia. Tokeo lake bora lilikuwa kufika fainali ya "butterfly" katika mita 100, ambapo alimaliza wa nane. Akielekea fainali, aliweka muda wa sekunde 51.85 [8] rekodi mpya ya Afrika [9] na kumshinda mshindi wa michezo ya Commonwealth, Ryan Pini wa Papua Guinea Mpya ilikupata nafasi ya nane ya kuingia katika fainali. Yeye pia akawa mwogeleaji wa kwanza kutoka Kenya kufuzu kwa Olimpiki. Alifuzu kushiriki katika Olimpiki ya mwaka wa 2008 ambao ulikuwa wakati wa kiangazi huko Beijing, Uchina katika mashindano ya "butterfly" ya mita 100 na vilevile ya "freestyle" ya mita 100 . Katika hafla ya mapema, baadhi ya waogeleji kutoka Kenya wameshiriki katika Olimpiki, lakini tu baada ya kupewa "wildcard" ya IOC ya uogeleaji.Kadi hii inaiwezesha nchi ambayo kaikufuzu kwa njia ya kawaida kushiriki katika olimpiki.

Wakati wa michezo ya All-Africa ya mwaka wa 2007 huko Algiers Jason Dunford alishinda medali tatu za dhahabu (zote za shindalo la "butterfly" katika mita 50,100 na 200), mbili za fedha ("freestyle" mita 50, "backstroke" mita 100 ) na tatu za shaba ("backstroke" mita 50 na "freestyle" mita 200 na 100).[10] Kutokana na juhudi zake katika michezo hizi na mashindano ya ubingwa wa dunia huko Melbourne, Dunford alituzwa tuzo la Safaricom la mwanaspoti mwanaume wa mwaka wa 2007.[11]

2008-2009 - Olimpiki na Universiade hariri

Alishiriki katika mashindano ya ubingwa wa dunia ya FINA ya kozi fupi mwezi Aprili mwaka wa 2008 huko Manchester na akafika fainali ya shindano la "butterfly" la mita 100, ambapo alimaliza katika nafasi ya 8.|2008 huko Manchester na akafika fainali ya shindano la "butterfly" la mita 100, ambapo alimaliza katika nafasi ya 8.[12]

Katika michezo ya Olimpiki, mwaka wa 2008, alishiriki katika tukio mbili. Katika mashindano ya "freestyle" ya mita 100, alimaliza katika nafasi ya 24 kwa ujumla, na kukosa nusu fainali. Hata hivyo, aliweka rekodi mpya ya kitaifa ya sekunde 49.06.[13] Katika tukio lake kuu, shindano la "butterfly" la mita 100, alifuzu kushiriki katika nusu fainali kwa kuweka rekodi mpya ya Olimpiki ya sekunde 51.14 na wakati huo huo kuboresha rekodi yake ya kibinafsi ya Afrika. Rekodi ya Olimpiki ya awali (sekunde 51.25) iliwekwa na Michael Phelps katika michezo ya Olimpiki ya mwaka wa 2004.[14] Rekodi ya Dunford ya Olimpiki haikukaa muda mrefu; dakika chache baadaye Milorad Čavić wa Serbia aliweka rekodi ya sekunde 50.76, akifuatiwa na waogeleaji wengine wawili (pamoja na Phelps) ambao pia walivunja rekodi ya Dunford.[15] Alifika fainali na kumaliza katika nafasi ya 5 kwa muda wa sekunde 51.47.

Desemba mwaka wa 2008 katika mashindano ya uogeleaji ya Afrika mjini Johannesburg, yeye alishinda medali tatu za dhahabu na mbili za fedha.[16]

Shindano lake la kwanza kuu lilikuwa mwaka wa 2009 katika [[Universiade ya kiangazi jijini Belgrade, ambapo alishinda shindano la "butterfly" la mita 100 kwa muda wa sekunde 51.29.|Universiade ya kiangazi jijini Belgrade, ambapo alishinda shindano la "butterfly" la mita 100 kwa muda wa sekunde 51.29.[17]]] Katika nusu fainali aliweka rekodi mpya ya Universiade ya sekunde 50.85[18], ambayo pia ilivunja rekodi ya Afrika tena.[19] Katika shindano la "butterfly" la mita 50 alipata fedha nyuma ya Jernej Godec wa Slovenia, lakini yeye ndiye aliyekuwa na kasi zaidi katika nusu fainali, muda wake wa sekunde 23.09 ukiwa rekodi mpya ya Universiade[20], ambayo bado ipo hata baada ya fainali.[21] Dunford pia akawa mwanamedali wa shaba wa mita 100 katika shindano la "freestyle".[18]

Wakati wa mashindano ya ubingwa wa Dunia wa 2009 alimaliza katika nafasi ya sita katika mashindano ya "butterfly" ya mita 50 [22] na ya mita 100. Katika nusu fainali ya 100 ya "fly" aliweka rekodi mpya ya Afrika (sekunde 50.78) [23]

Marejeo hariri

  1. ↑ World Investment News, 18 Juni 1999: Mahojiano na Mheshimiwa Martin Dunford
  2. ↑ Swimnews.com, 26 Machi 2007: A Tale Of Hope Out Of Afrika Archived 28 Septemba 2007 at the Wayback Machine.
  3. ↑ Swimrankings.net profile - Season 2005
  4. ↑ 4.0 4.1 Stanford University: Jason Dunford Archived 15 Julai 2007 at the Wayback Machine.
  5. ↑ Swimrankings.net profile - Season 2006
  6. ↑ Stanford University: David Dunford Archived 14 Oktoba 2007 at the Wayback Machine.
  7. ↑ [1] ^ The Standard 23 Februari 2007 Kipchirchir, Jepkosgei ashinda Soya
  8. ↑ "Melbourne 2007 Swimming matokeo". Ilihifadhi kwenye nyaraka kutoka chanzo mnamo 2007-09-30. Iliwekwa mnamo 2009-12-09. 
  9. ↑ The Standard, 13 Julai 2007: Dunford mifuko ya kwanza ya dhahabu wa Kenya nchini Algeria Archived 3 Agosti 2009 at the Wayback Machine.
  10. ↑ "2007 All-Africa Games". Ilihifadhi kwenye nyaraka kutoka chanzo mnamo 2007-07-04. Iliwekwa mnamo 2021-01-16. 
  11. ↑ The Standard, 20 Machi 2008: Dunford, Jepkosgei Soya Winners Archived 3 Agosti 2009 at the Wayback Machine.
  12. ↑ "2008 FINA Short Course Mabingwa wa Dunia - Men's 100m butterfly mwisho". Ilihifadhi kwenye nyaraka kutoka chanzo mnamo 2009-03-27. Iliwekwa mnamo 2009-12-09. 
  13. ↑ "Olympics 2008 mita 100 freestyle matokeo". Ilihifadhi kwenye nyaraka kutoka chanzo mnamo 2008-08-15. Iliwekwa mnamo 2008-08-15. 
  14. ↑ "2008 Olimpiki, mita 100 kipepeo matokeo - Heat 7". Ilihifadhi kwenye nyaraka kutoka chanzo mnamo 2008-08-17. Iliwekwa mnamo 2008-08-17. 
  15. ↑ "2008 Olimpiki, mita 100 kipepeo - Heat 9". Ilihifadhi kwenye nyaraka kutoka chanzo mnamo 2008-08-17. Iliwekwa mnamo 2008-08-17. 
  16. ↑ The Standard, 3 Januari 2009: Dunford, Ajulu kumvutia kama swimmers kuja umri Archived 3 Agosti 2009 at the Wayback Machine.
  17. ↑ matokeo 2009 Summer Universiade service: Men's 100m Butterfly Finals Final A Archived 14 Julai 2009 at the Wayback Machine.
  18. ↑ 18.0 18.1 "The Universiade Belgrad 25 Bulletin № 2009 Swimming 5 Julai 10, 2009". Ilihifadhi kwenye nyaraka kutoka chanzo mnamo 2009-08-24. Iliwekwa mnamo 2009-12-09. 
  19. ↑ World University Games, Swimming: Jason Dunford Sets Record Afrika, Asia Madai Kaneto Rie Marko, 50 Incredible Breast Semis, Swimming World Magazine online; iliyochapishwa 2009/07/09, retrieved 2009/07/10
  20. ↑ "Universiade ya 25 Belgrad 2009, Swimming, Bulletin № 1, 6 Julai 2009". Ilihifadhi kwenye nyaraka kutoka chanzo mnamo 2009-08-24. Iliwekwa mnamo 2009-12-09. 
  21. ↑ "Universiade ya 25 Belgrad 2009, Swimming, Bulletin № 2, 7 Julai 2009". Ilihifadhi kwenye nyaraka kutoka chanzo mnamo 2009-07-18. Iliwekwa mnamo 2009-12-09. 
  22. ↑ Omega Timing: Swimming katika 2009 World Aquatics Mabingwa - Men's 50m kipepeo mwisho Archived 6 Agosti 2009 at the Wayback Machine.
  23. ↑ Omega Timing: 2009 World Aquatics Mabingwa - Men's 100m butterfly semifinals Archived 6 Agosti 2009 at the Wayback Machine.

Viungo vya nje hariri

Rudishwa kutoka "https://sw.wikipedia.org/w/index.php?title=Jason_Dunford&oldid=1295846"