Mzee Kizito

Mzee Kizito ni jina la uhusika kutoka katika tamthilia ya Siri ya Mtungi kutoka nchini Tanzania. Uhusika umechezwa na Nkwabi Ng'hangasamala. Mzee Kizito ni mtu mwema, mwenye moyo wa huruma kwa kila mja aliyekaribu nae. Ana nyumba tatu. Moja Bi. Farida, Bi. Mwanaidi na Nusura. Vilevile anamiliki gereji ambayo anafanya kazi na watoto zake. Ni moja kati ya wazee wanaofuata maadili mno, tena hapendi kuyumbishwa wala kuyumbisha. Msema kweli kwa kila linalomfika.

Mzee Kizito
muhusika wa Siri ya Mtungi
Taswira ya Mzee Kizito (uhusika umechezwa na Nkwabi Ng'hangasamala)
Imebuniwa na	MFDI Tanzania
Imechezwa na	Nkwabi Ng'hangasamala
Idadi ya sehemu	26
Misimu	1, 2
Maelezo
Jinsia	Kiume
Kazi yake	Fundi makenika gereji
Ndoa	Bi. Farida Bi. Mwanaidi Vingawaje Nusura
Watoto	Cheusi Mtungi Shoti Sabrina Kizito (jumla wapo 17)
Dini	Mwislamu
Utaifa	Mtanzania

Hasa hupenda kumwambia mambo mengi sana mke wake wa pili Bi. Mwanaidi. Alijikuta anaingia matatani na wimbo zito la mawazo baada ya kumuoa Nusura na kupata taarifa ya kuwa ana UKIMWI. Haitoshi, Bi. Farida nae katika hangai yake ya kutaka kumroga mumewe, kalivagaa gono kutoka kwa mganga wa kienyeji na kulileta nyumbani na hatimaye Kizito kulipata haraka pindi tu alipojamiiana na mke wake wa kwanza.

Ana mahusiano ya wastani na mkwewe Cheche Mtungi. Ndiye aliyemwezesha kufungua upya Studio ya Mtungi. Rafiki wake wa karibu ni Mjomba (Seif Mbembe), ambaye ndiye hasa anayemtegemea katika kutekeleza mambo yake mengi sana. Mjomba ndiye aliyefanikisha zoezi la kumtolea posa Nusura hapo awali. Hata alivyopata gono, haraka alimwendea Mjomba na kumweleza yanayomsibu na bila kusita Mjomba alimshauri aende hospitali kujitazama. Kwa ujumla wake, Kizito hana shida na mtu. Ana urafiki na kila lika. Mara kadhaa Duma ameonekana kwenda kuazima gari la Mzee Kizito na kulifanya vibaya na bado aliendelea kumpa.

Tazama pia

• Sabrina Kizito
• Cheche Mtungi
• Bi. Mwanaidi
• Bi. Farida