Sheroo Keeka

Sheroo Keeka (11 Septemba 1921 – 14 Septemba 2006) alikuwa mwanasiasa wa Tanganyika lakini kiasili alizaliwa India. Mnamo 1955 alikuwa mmoja wa wanawake watatu walioteuliwa katika Baraza la Kutunga Sheria.

Wasifu

Alizaliwa India mnamo mwaka wa 1921, Keeka alipitia mafunzo kutoka Chuo cha St. Xavier's huko Bombay. Alihamia Tanganyika, akawa mwalimu mkuu wa Shule ya Wasichana ya Aga Khan huko Dodoma mwaka wa 1940 hadi 1944. Mnamo 1953 akawa mwenyekiti wa tawi la Dodoma la Chama cha Tanganyika cha Kuzuia Ukatili wa Wanyama. Mumewe Dara Framroze Keeka, ambaye pia ni mhitimu wa Chuo cha Mtakatifu Xavier, alikuwa mwanasheria mashuhuri na mwenyekiti wa Halmashauri ya Mji wa Dodoma.

Mnamo 1955 aliteuliwa katika Baraza la Kutunga Sheria akiwakilisha Mkoa wa Kati kama mmoja wa wanachama watatu kike, akihudumu hadi 1958. Baadaye alifanya kampeni ya 'Kura kwa Wanawake Walioolewa', na akatumika kama mwenyekiti wa tawi la Dodoma la Baraza la Wanawake la Tanganyika kuanzia 1958 hadi 1962. Pia alikuwa kamishna wa Girl Guides mwaka 1960 na mwanachama wa kamati ya tawi la Dodoma la Msalaba Mwekundu, Tanganyika.

Umauti ulimfika akiwa nchini Uingereza mnamo mwaka 2006.

Marejeo

Makala hii kuhusu mwanasiasa fulani bado ni mbegu. Je, unajua kitu kuhusu Sheroo Keeka kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.