Kikucha

Kikucha

Uainishaji wa kisayansi

Himaya:	Animalia (Wanyama)
Faila:	Chordata (Wanyama wenye ugwe wa neva mgongoni)
Nusufaila:	Vertebrata (Wanyama wenye uti wa mgongo)
Ngeli:	Aves (Ndege)
Oda:	Passeriformes (Ndege kama shomoro)
Familia ya juu:	Sylvioidea (Ndege kama kucha)
Familia:	Macrosphenidae (Ndege walio na mnasaba na kolojojo)
Jenasi:	Sylvietta Lafresnaye, 1839

Ngazi za chini

Spishi 9:

Vikucha au vibubutu ni ndege wadogo ambao zamani waliainishwa katika Sylviidae, familia ya kucha wengine. Sasa wataalamu wanakubaliana kwamba labda ndege hawa ni kundi lao lenyewe pamoja na kolojojo na spishi nyingine za kucha wa Afrika. Kwa sasa hakuna uhakika kama ndege hawa wote waunda familia yao au wamo katika familia mbalimbali. Wanafanana na shoro, kuchanyika na kuchamsitu ambao zamani waliainishwa pia katika familia Sylviidae. Vikucha ni wadogo zaidi na wana mkia mfupi sana. Rangi zao ni kahawia na nyekundu, kijani au njano. Hula wadudu ambao huwatafuta ardhini au kwa mashina na matawi ya miti. Hulijenga tago lao kwa umbo wa kikapu kwa manyasi, tandabui na nyuzinyuzi za mimea chini ya tawi la chini la mti. Jike huyataga mayai 1-3.

Spishi za Afrika

Sylvietta brachyura, Kikucha Kaskazi (Northern Crombec)
Sylvietta denti, Kikucha Tumbo-njano (Lemon-bellied Crombec)
Sylvietta isabellina, Kikucha Somali (Somali Crombec)
Sylvietta leucophrys, Kikucha Nyushi-nyeupe ( White-browed Crombec)
Sylvietta philippae, Kikucha wa Philippa (Philippa's au Somali Short-billed Crombec)
Sylvietta rufescens, Kikucha Domo-refu (Long-billed Crombec)
Sylvietta ruficapilla, Kikucha Utosi-mwekundu (Red-capped Crombec)
Sylvietta virens, Kikucha Kijani (Green Crombec)
Sylvietta whytii, Kikucha Uso-mwekundu (Red-faced Crombec)

Picha

Kikucha kaskazi
Kikucha utosi-mwekundu
Kikucha kijani
Kikucha uso-mwekundu