Korobindo (Ploceidae)

Korobindo
Korobindo paji-madoa (Sporopipes frotalis
Uainishaji wa kisayansi
Himaya: Animalia (Wanyama) Faila: Chordata (Wanyama wenye ugwe wa neva mgongoni) Ngeli: Aves (Ndege) Oda: Passeriformes (Ndege kama shomoro) Familia ya juu: Passeroidea (Ndege kama shomoro) Familia: Ploceidae (Ndege walio na mnasaba na kwera)
Ngazi za chini
Jenasi 5, spishi 10: Histurgops Reichenow, 1887 H. ruficauda Reichenow, 1887 Philetairus A. Smith, 1837 P. socius (Latham, 1790) Plocepasser A. Smith, 1836 P. donaldsoni Sharpe, 1895 P. mahali A. Smith, 1836 P. rufoscapulatus Büttikofer, 1888 P. superciliosus (Cretzschmar, 1827) Pseudonigrita Reichenow, 1903 P. arnaudi (Bonaparte, 1850) P. cabanisi (Fischer & Reichenow, 1884) Sporopipes Cabanis, 1847 S. frontalis (Daudin, 1800) S. squamifrons (A. Smith, 1836)

Korobindo ni ndege wadogo wa jenasi mbalimbali katika familia Ploceidae. Kuna ndege wengine ambao wanaitwa korobindo katika familia Passeridae. Spishi hizi zinatokea Afrika tu.

Ndege hawa wanafanana na shomoro lakini wana mwenendo kama kwera. Wana rangi ya kahawa au kijivu juu na nyeupe chini. Hula mbegu hasa na beri na wadudu pia.

Spishi hizi hulijenga tago lao ndani ya msongo wa manyasi na pengine vijitu pia ambao umebandikiwa tawi la mti. Korobindo mpendakundi hujenga jengo kubwa la manyasi linaloweza kuwa na nafasi kwa matago zaidi ya 100. Majengo haya yapo katika miti au juu ya nguzo zilizowekwa na watu kama vile nguzo za umeme. Jike huyataga mayai 3-5.

Spishi

• Histurgops ruficauda, Korobindo Mkia-mwekundu (Rufous-tailed Weaver)
• Philetairus socius, Korobindo Mpendakundi (Sociable Weaver)
• Plocepasser donaldsoni, Korobindo wa Donaldson (Donaldson-Smith's Sparrow Weaver)
• Plocepasser mahali, Korobindo Nyusi-nyeupe (White-browed Sparrow Weaver)
• Plocepasser rufoscapulatus, Korobindo Mgongo-mwekundu (Chestnut-backed au Rufous-mantled Sparrow Weaver)
• Plocepasser superciliosus, Korobindo Utosi-mwekundu ( Chestnut-crowned Sparrow Weaver)
• Pseudonigrita arnaudi, Korobindo Utosi-kijivu (Grey-capped au Grey-headed Social Weaver)
• Pseudonigrita cabanisi, Korobindo Utosi-mweusi (Black-capped Social Weaver)
• Sporopipes frontalis, Korobindo Paji-madoa (Speckle-fronted Weaver)
• Sporopipes squamifrons, Korobindo Masharubu (Scaly-fronted Weaver)

Picha

• 
  Korobindo mkia-mwekundu
• 
  Korobindo mpendakundi
• 
  Korobindo wa Donaldson
• 
  Korobindo nyusi-nyeupe
• 
  Korobindo mgongo-mwekundu
• 
  Korobindo utosi-mwekundu
• 
  Korobindo utosi-kijivu
• 
  Korobindo utosi-mweusi
• 
  Korobindo masharubu