Troia

Troia (gir.: Τροία, troia, pia Ίλιον, ilion; ing.: Troy) ilikuwa mji katika Asia Ndogo zamani za Ugiriki ya Kale. Inajulikana kutokana na utenzi wa Iliadi ambako mshairi Homer alisimulia habari za Vita ya Troia.

Kuta mashuhuri za Troia zilizotajwa mara nyingi katika utenzi wa Iliadi ya Homer

Awamu za kukua kwa Troia kufuatana na utafiti wa akiolojia

Ramani ya Ugiriki ya Kale zamani za Homer

Kwa karne nyingi mahali pa mji hapajulikana ingawa watu wengi walijaribu kupakuta kwa saabu ya umaarufu wa utenzi huu uliokuwa na maana sana katika utamaduni wa Ulaya. Mnamo mwaka 1868 Mjerumani Heinrich Schliemann alianza kuchimba kwenye kilima cha Hisarlik kilichopo karibu na mji wa Çanakkale kwenye mgharibi kaskazini ya Uturuki. Alikuta mabaki ya majengo na kuta kubwa na baada ya majadiliano marefu leo hii wataalamu hukubaliana hapa palikuwa mahali pa Troia ya Kale.

Maghofu ya Troia yamepokelewa katika orodha ya urithi wa dunia ya UNESCO. Azimio hili lilitoka kwa maelezo yafuatayo:

"Mahali pa kiakolojia pa Troia ni muhimu sana kwa kuelewa vyanzo vya maendeleo ya ustaarabu wa Ulaya. Pana pia umuhimu mkubwa wa kiutamaduni kutokana na athira kubwa ya Iliadi ya Homer juu ya sanaa kwa muda wa zaidi ya milenia mbili".