Siri ya Kijiji

'Siri ya Kijiji ni jina la filamu iliyotoka mwaka 2015 kutoka nchini Tanzania. Ndani yake anakuja Hissani Muya, Irene Temba na Zena Mbegu (Bi. Moza). Filamu imeongozwa na Patrick Komba na kutayarishwa na Hissan Muya. Awali iliitwa Kibandani, baadaye msambazaji akaibadili jina na kuiita Siri ya Kijiji kutokana na mtiririko wa hadithi yenye. Pendekezo ambalo lilitolewa na kikosi cha watalaamu wanaoshughulikia ununuzi wa filamu na kuzisambaza. Filamu inaelezea umuhimu wa vijana kupata tohara mapema hasa suala zima la jando la kimila ambalo hutoa elimu kwa kijana kufuata maadili mema. Lakini pia elimu ya mabinti kulinda usichana wao hadi kufikia hatua ya kuolewa.

Siri ya Kijiji
Posta ya Siri ya Kijiji
Imeongozwa na	Patrick Komba
Imetayarishwa na	Hissan Muya
Imetungwa na	Patrick Komba
Nyota	Hissan Muya Irene Temba Zena Mbega
Imesambazwa na	B.M.O
Imetolewa tar.	18 Juni, 2015
Nchi	Tanzania
Lugha	Kiswahili

Hadithi

Kaduma ni kijana mwindaji aliyekosa nafasi ya kupelekwa jandoni katika umri mdogo. Anakosa kujiamini kujenga mahusiano na binti mzuri kijijini kwao (Fina) kwasababu ya tatizo lake. Fina anampenda Kaduma lakini ngumu kwa Kaduma kukubali. Siri inavuja baada ya Kaduma mwenyewe kuitoa kwa rafiki yake wa karibu. Suala hili limechukuliwa tofauti kijijini hapo na kuzua gumzo la maana kijijini hapo. Kashfa na vicheko vya kijijini pale vinamsukuma Kaduma kwenda maporini na kufanyiwa suna. Mwisho wake anafanikiwa kufunga ndoa na mwanamke aliyempenda, Fina.

Washiriki

• Hissan Muya - Kaduma
• Irene Temba - Fina
• Zena Bakari (Bi. Moza) -