Bunzi (Sphecidae)

Bunzi

Bunzi akibeba mdudu wa jamii ya senene (Sphex argentatus)

Uainishaji wa kisayansi

Himaya:	Animalia (Wanyama)
Faila:	Arthropoda (Wanyama wenye miguu yenye viungo)
Nusufaila:	Hexapoda (Wanyama wenye miguu sita)
Ngeli:	Insecta (Wadudu)
Ngeli ya chini:	Pterygota (Wadudu wenye mabawa)
Oda:	Hymenoptera (Wadudu wenye mabawa mangavu)
Nusuoda:	Apocrita (Hymenoptera wenye kiuno chembamba sana)
Familia ya juu:	Apoidea (Apocrita kama nyuki)
Familia:	Sphecidae Latreille, 1802

Ngazi za chini

Nusufamilia 4, jenasi 19, 9 katika Afrika ya Mashariki:

Ammophilinae André, 1886
- Ammophila Kirby, 1798
- Eremnophila Menke, 1964
- Eremochares Gribodo, 1883
- Hoplammophila De Beaumont, 1960
- Parapsammophila Taschenberg, 1869
- Podalonia Fernald, 1927
Chloriontinae Fernald, 1905
- Chlorion Latreille, 1802
Sceliphrinae Ashmead, 1899
- Chalybion Dahlbom, 1843
- Dynatus Lepeletier, 1845
- Penepodium Menke, 1976
- Podium Fabricius, 1804
- Sceliphron Klug, 1801
- Trigonopsis Perty, 1833
Sphecinae Bohart & Menke, 1963
- Chilosphex Menke, 1976
- Isodontia Patton, 1880
- Palmodes Kohl, 1890
- Prionyx Vander Linden, 1827
- Sphex Linnaeus, 1758
- Stangeella Menke, 1962

Bunzi ni nyigu wa familia Sphecidae walio na kiuno chembemba na kirefu sana (petiole).

Nyigu wa nusufamilia Eumeninae katika familia Vespidae huitwa bunzi pia. Halafu kuna bunzi-buibui wa familia Pompilidae.

Maelezo

Bunzi wa Sphecidae wana kiuno chembamba na kirefu. Hata fumbatio ni nyembamba na ndefu kiasi kwa kawaida. Nyigu hao ni weusi au buluu au weusi pamoja na njano au nyekundu. Urefu wao ni mm 15-40.

Mwenendo

Wengi wa bunzi hawa huchimba vishimo kwenye mchanga au kujenga chumba kimoja au kadhaa kwenye matundu yaliyopo. Walakini, spishi nyingine huunda vyumba vya nje kwa matope au hata kwa sandarusi. Kama bunzi wa Eumeninae, huweka viwavi, mabuu au buibui waliopoozwa kwenye vyumba kabla ya kutaga yai katika kila kimoja. Spishi fulani hutaga mayai kadhaa kwenye chumba kimoja kikubwa. Spishi kadhaa za Sceliphrinae hata zinaonyesha aina sahili ya ujamii, ambapo majike kadhaa hujenga vyumba karibu na kila kimoja na kuvilinda pamoja. Walakini, kila jike huwapea mwenyewe mayai yake chakula.