Stergomena Tax

Stergomena Lawrence Tax (amezaliwa 6 Julai 1960) ni mtumishi wa umma wa Tanzania ambaye aliwahi kuwa Katibu Mtendaji wa Jumuiya ya Maendeleo Kusini mwa Afrika (SADC). . Kwenye Septemba 2021 aliteuliwa kuwa Waziri wa Ulinzi wa Tanzania akiwa mwanamke wa kwanza kuongoza wizara hiyo.

Stergomena Tax

Tarehe 3 Oktoba 2022, Stergomena Tax aliondoka katika wizara hii akipewa nafasi ya Waziri wa Mambo ya Nje wa Tanzania.

Maisha

Tax alisoma shule za msingi kadhaa nchini Tanzania na huko Mwanza kwenye Lake Secondary School ambapo alikuwa akisoma pamoja na John Magufuli.

Mnamo 1991 alipata shahada yake ya kwanza katika biashara kwenye Chuo Kikuu cha Dar es Salaam. Akaendelea kusoma siasa na uchumi wa maendeleo kwenye Chuo Kikuu cha Tsukuba huko Japani kati ya 1995 hadi 2002 alipohitimu kwa stashada ya uzamili.

Tax ameolewa na ana watoto wawili

Kazi

2023

Baada ya kurudi Tanzania, alihudumu kama katibu mkuu katika Wizara ya Ushirikiano wa Afrika Mashariki kutoka 2008 hadi 2013 alipoteuliwa kama Katibu Mtendaji wa Jumuiya ya Maendeleo katika Kusini mwa Afrika katika Mkutano wa 33 wa Wakuu wa Nchi na Serikali huko Lilongwe, Malawi.

Mnamo Agosti 2021, nafasi yake ilichukuliwa na Elias Mpedi Magosi kama katibu wa SADC. Ijumaa, Septemba 10, 2021 aliteuliwa na rais Samia Suluhu Hassan kuwa mbunge. Tarehe 12 Septemba 2021 aliteuliwa kuwa Waziri wa Ulinzi.

Viungo vya nje

• Profile: Stergomena Tax at SADC (03.02.2020), kupitia tovuti ya Wayback Machine.