Dolar (pesa)

,

Noti ya dola 20 za Marekani

Dolar (pia dola, Kiing. dollar) ni jina la pesa ya Marekani na nchi mbalimbali duniani.

Dola ya Marekani au US-Dollar ndiyo inayojulikana zaidi, lakini kuna nchi zaidi ya 20 zinazotumia neno "Dollar" kwa pesa yao.

Nchi zenye pesa inayoitwa "Dollar" (dola)

Dolar ya Australia Dolar ya Bahamas Dolar ya Barbados Dolar ya Belize Dolar ya Bermuda Dolar ya Brunei Dolar ya Fiji Dolar ya Guyana

Dolar ya Hongkong Dolar ya Jamaika Dolar ya Kaiman Dolar ya Kanada Dolar ya Karibi Dolar ya Liberia Dolar ya Marekani Dolar ya Namibia

Historia

Asili ya jina hilo ni neno la Kijerumani "taler" (au: thaler) kwa ajili ya sarafu ya fedha iliyotolewa kwenye mji wa Joachimsthal kule Bohemia (Ucheki) mnamo mwaka 1518.

Wakati ule migodi ya Joachimsthal ilikuwa na fedha nyingi kiasi kwamba mji ulianza kutoa pesa zake. Pesa hizo zilitwa (kufuatana na mji) "Joachimsthaler", iliyofupishwa kuwa "taler" tu.

Taler ilikuwa pesa iliyopendwa sana Ulaya ikasambaa kote.

Hispania ilitumia jina hilo kwa "dolaro" yake kuanzia mwaka 1575. Dolaro ya Hispania ilikuwa baadaye pesa ya kisheria ya Marekani ilipojitenga na Uingereza na kuanzisha pesa yake mwaka 1792.