Nkhotakota

Nkhotakota (zamani Kota Kota ) (jina linalotokana na lugha ya Chichewa kwa ajili ya "kona kona") ni mji na makao makuu ya Wilaya ya Nkhotakota katika Kanda ya Kati, Malawi. Kufikia 2018, Nkhotakota ilikuwa na idadi ya wakazi waliokadiriwa kuwa 28,350.

Mji huu uko kwenye mwambao wa Ziwa Nyasa (huko huitwa Ziwa Malawi) ikiwa ni mojawapo ya mabandari makuu kwenye ziwa.

Historia

Katika karne ya 19 Nkhotakota ilikuwa kundi la vijiji vilivyotumika kama soko la wafanyabiashara wa watumwa. Waafrika mbalimbali walikutana hapa na Waswahili kutoka mwambao wa Bahari Hindi na Waarabu.

Misionari David Livingstone alitembelea mji mara mbili kwenye miaka 1861 na 1864 na kuleta taarifa juu ya ubaya wa biashara ya watumwa hadi Ulaya. Kuna miti miwili inayokumbukwa kama "Livingstone tree" ambako anasemekana alijadiliana na na mkuu wa Waarabu Salim bin Abdullah Baadaye rais wa Malawi Hastings Banda alitoa hotuba chini ya mti mwingine huko Nkhotakota katika miaka ya 1960, huu unaojulikana kama Mti wa Livingstone. Mji huu ulikumbwa na mafuriko ya 2001, na ulikuwa eneo lililoathiriwa zaidi katika eneo la Kati la Malawi. Leo, Nkhotakota ndio mji mkubwa wa kitamaduni wa Kiafrika nchini Malawi na una ushawishi mkubwa wa Waswahili-Waarabu.

Jiografia

Mwaya Beach katika Nkhotakota Bay kwenye Ziwa Nyasa

Nkhotakota iko kwenye mwinuko wa mita 472 kwenye mwambao wa Ziwa Malawi. Iko kwenye ukingo wa miamba unaotazamana bandari ya asili iliyoundwa na kisiwa cha mchanga .

Nkhotakota iko umbali wa kilomita 200 kutoka Lilongwe, mji mkuu wa Malawi, na kilomita 378 kutoka Blantyre, jiji kubwa zaidi la Malawi. Kigezo:Weather box

Usafiri

Nkhotakota ni mojawapo ya bandari kuu katika Ziwa Nyasa, ikihudumiwa na kivuko cha MV <i id="mwkw">Ilala</i> ambacho huvuka Ziwa Malawi kila wiki. Uwanja wa ndege wa karibu uko Kasungu kwa umbali wa km 77. Mabasi hutumia masaa 2 kutoka Salima. Aidha, mabasi madogo yanatoka hapa hadi Nkhata Bay kando ya barabara kuu inayounganisha miji hii.