Pembetatu ya Kiangazi
Pembetatu ya Kianganzi (ing. summer triangle) ni umbo la pembetatu kwenye anga la nusutufe ya kaskazini ya Dunia inayofanywa na nyota angavu tatu ambazo ni Vega katika Kinubi (Lyra), Dhanabu ya Ukabu (Deneb) katika Dajaja (Cygnus) na Tairi (Altair) katika Ukabu (Aquila).
Pembetatu ya Kiangazi si kundinyota halisi jinsi zinavyoelezwa na Ukia, bali nyota zake ni sehemu za makundinyota matatu tofauti za Kinubi (Lyra), Dajaja (Cygnus) na Ukabu (Aquila).
Usiku wa manane pembetatu hii inaonekana vema katikati ya anga katika nchi za nusutufe ya kaskazini wakati wa Juni - Agosti. Katika Afrika ya Mashariki inafika tu kiasi juu ya upeo wa anga kuanzia masaa ya jioni hadi usiku manane katika miezi ya Agosti hadi Novemba.
Nyota za Pembetatu
hariri| Jina | Kundinyota | Mwangaza unaoonekana | Mwangaza halisi (× solar) |
Spectral type | Umbali (miakanuru) |
Rediasi (x rediasi ya Jua) |
|---|---|---|---|---|---|---|
| Vega | Kinubi (Lyra) | 0.03 | 52 | A0 | 25 | 2.36 - 2.82 |
| Dhanabu ya Ukabu (Deneb) | Dajaja (Cygnus) | 1.25 | 70000 | A2 | 3550 | 203 ± 17 |
| Tairi (Altair) | Ukabu (Aquila) | 0.77 | 10 | A7 | 16.6 | 1.63 - 2.03 |