Starfish Greathearts Foundation

Starfish Greathearts Foundation ni shirika lisilo la kiserikali la kimataifa lililoundwa kwa madhumuni ya kukabiliana na janga la watoto yatima au walioachwa katika mazingira magumu na janga la VVU / UKIMWI nchini Afrika Kusinii. Dhamira yake ni kusaidia kuleta mabadiliko katika maisha ya watoto hawa kupitia mashirika ya kijamii yanayofanya kazi katika ngazi ya chini. Hii inawezesha jamii binafsi kukuza suluhisho zao kwa changamoto zinazowakabili. Kuanzia Januari mwaka 2009, miradi ya Starfish inafikia zaidi ya watoto 36,000. katika jamii 120 kote Afrika Kusini.

Starfish Greathearts Foundation imesajiliwa kama shirika la misaada (1093862) na kampuni (4528018) nchini Uingereza. Starfish Greathearts Foundation Uingereza inatoa mipango ya maendeleo kupitia Starfish Greathearts Foundation Afrika Kusini, ambayo ni shirika lisilo la faida (039-447-NPO), Kampuni ya Sehemu ya 21 (2003/002865/08) na Shirika la Faida ya Umma (930008639) huko nchini Afrika Kusini. Starfish ilizindua Starfish Greathearts Foundation USA kama ofisi ya wakati wote huko New York mnamo mwaka 2007 na pia ina kitengo cha kujitolea huko nchini Kanada.

Starfish Greathearts Foundation Uingereza ni mwanachama wa Consortium ya UK juu ya UKIMWI na Maendeleo ya Kimataifa pamoja na Bodi ya Viwango vya Kuchangisha Fedha, mpango wa udhibiti wa kibinafsi ili kuhakikisha mazoezi bora katika kutafuta fedha.