Adam Kuambiana
Adam Philipo Kuambiana (6 Juni 1976 - 17 Mei 2014) alikuwa msanii wa maigizo na mtayarishaji na mwongozaji wa filamu kutoka nchini Tanzania.
| Adam Kuambiana | |
|---|---|
| Amezaliwa | Adam Philip Kuambiana Juni 6, 1976 Iringa, Tanzania |
| Amekufa | Mei 17, 2014 (umri 37) Dar es Salaam, Tanzania |
| Kazi yake | Mwigizaji, mtunzi, mtayarishaji, mwongozaji |
| Miaka ya kazi | Miaka ya 2000 - 2014 |
Anajulikana sana kwa uhusika wake katika filamu ya Fake Pastors (2007), Mr. Kadamanja (2014), Chaguo Langu (2012), vilevile katika Aliyemchokoza Kaja, Danija, Faith More Fire, Bad Luck, Scola, The Boss, Mr. Nobody, Radhi ya Mke, Lost Sons, My Fiance, Jesica, Life of Sandra, Basilisa, My Flower, Regina, Born Again, na It's Too Late.
Maisha
haririKuambiana alizaliwa tarehe 6 Juni 1976 huko Ifunga mkoa wa Iringa. Alipata elimuya msingi katika shule ya Mlimani Jijini Dar halafu elimu ya sekondari katika shule ya Tambaza na hatimaye kuhamia jijini Nairobi ambapo alienda kumalizia kidato cha tano nasita kisha akaenda Afrika Kusini kupata elimu ya filamu. Elimu hiyo ilimwezesha katika kuongoza na kuandika miswada kadhaa ya filamu za Tanzania.
Kazi
haririAdamu Kuambiana amepata kuonekana katika filamu mbalimbali, lakini umaarufu wake hasa ulianza mwaka wa 2007 baada ya kucheza katika filamu ya Fake Pastors, ambamo alionesha uwezo wa hali ya juu. Filamu inatokana na kitabu kilichotungwa na Eric Shigongo. Kazi ya kuongoza filamu alianza baada ya kujiunga na RJ Company inayomilikiwa na Vincenti Kigosi na Blandina Changula. Filamu nyingi alifanya akiwa na Jerusalem Film Co. chini ya Jacob Stephen lakabu JB.
Kifo
haririTaarifa za kufa kwake zilianza kuvuma siku ya 17 Mei, 2014. Ripoti ya polisi ikionesha sababu zilizopelekea kufa kwa Adam Kuambiana ni vidonda vya tumbo na unywaji mwingi wa pombe bila kula. [1] Vilevile kukatokea na dhana kibao huenda marehemu aliwekewa sumu katika vinywaji na kadhalika.[2][3]
Filamu zilizochaguliwa
haririMarejeo
hariri- ↑ [http://web.archive.org/20180105015256/http://www.jestina-george.com/2014/05/sababu-za-kifo-cha-adam-kuambiana.html Archived 5 Januari 2018 at the Wayback Machine. Jestina George] na habari za SABABU ZA KIFO CHA ADAM KUAMBIANA ZATAJWA.
- ↑ Mzito kuhusu kifo cha Adam Kuambiana Kifo cha kuambiana chabaini mazito, sumu yatajwa, mke wa ndoa aibuka, uhusiano wake na stara Thomas gumzo.
- ↑ Kifo cha Adam Kuambiana kwa Millard Ayo Taarifa za awali kuhusu kifo cha Director Adam Kuambiana.
|
Makala hii kuhusu mwigizaji filamu fulani bado ni mbegu. Je, unajua kitu kuhusu Adam Kuambiana kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |