Arusha Technical College

Arusha Technical College (kifupi: ATC) ni chuo kinachotoa elimu ya juu na ni kimoja kati ya vyuo vikuu nchini Tanzania kinachotoa mafunzo ya Ufundi, Uhandisi na Kilimo cha Umwagiliaji. Kampasi yake kuu ipo ndani ya kata ya Ngarenaro, katika jiji la Arusha, Chuo cha ufundi Arusha (ATC) ni mojawapo ya Taasisi kubwa na yenye ufanisi wa umma za elimu ya sekondari na elimu ya ufundi katika Mkoa wa Arusha.Chuo kina kampasi tatu: Kampasi Kuu katika Jiji la Arusha, Kampasi ya pili iliyopo katika kata ya Oljoro katika Wilaya ya Arumeru, Mkoa wa Arusha. Kampasi ya tatu iko katika mji mdogo wa Kikuletwa katika Wilaya ya Hai, Kilimanjaro.

Picha ya nembo ya chuo

Historia

Chuo cha Ufundi Arusha (ATC) kilianzishwa mwaka 1978 na Serikali ya Jamhuri ya Muungano wa Tanzania na Ujerumani (wakati huo ilikuwa Jamhuri ya Shirikisho la Ujerumani), kama Chuo cha Ufundi Arusha (TCA).

Mnamo Machi 2007, jina lilibadiliKa na kuwa Chuo cha Ufundi Arusha (ATC) kupitia Agizo la Uanzishaji wa Chuo cha Ufundi Arusha (TCA) katika sheria Na. 78 kama ilivyowezeshwa na Sheria ya NACTE namba 9 ya Mwaka 1997.

Uidhinishaji

Baraza la Taifa la Elimu ya Ufundi (NACTE) imetoa kibali kwa ATC cha kufundisha Wataalamu wa kiufundi na wahandisi (NTAs 4-8).Mamlaka ya Mafunzo ya Elimu ya Ufundi Stadi (VETA) pia imeidhinisha Chuo hicho kusomesha Wafanyabiashara (NVAs 1-3).

Chuo cha Ufundi Arusha (ATC), Kampasi ya Oljoro

Mwaka 2011, Chuo cha Ufundi Arusha (ATC) iliendeleza mafunzo ya umwagiliaji katika shamba la Oljoro katika kata ya Oljoro wilayani Arumeru kusini mwa mkoa wa Arusha.Shamba la chuo hicho limeundwa ili kuwapa wanafunzi wa Uhandisi wa Kiraia na Umwagiliaji ujuzi wa vitendo.Chuo hiki kina ekari 150 (ha 60) na zaidi ni shamba la maonyesho ya umwagiliaji. Shamba la chuo cha Oljoro liko takribani kilomita 15 kusini mwa jiji la Arusha..

Chuo cha Ufundi Arusha (ATC), Kampasi ya Kikuletwa

Kampasi ya Kikuletwa inajulikana rasmi kama Kituo cha Mafunzo na Utafiti wa Nishati Mbadala ya Kikuletwa (KRETRC) kiliundwa mwaka 2012 ili kutoa mafunzo kwa wanafunzi juu ya kujenga na kuendesha miradi ya nishati mbadala.Chuo kimetengeneza mtambo wa kuzalisha umeme wa Kikuletwa Hydro Power Plant na ndicho kipengele kikuu katika chuo hicho. chuo hicho kipo katika mji wa Kikuletwa wilayani Hai mkoani Kilimanjaro.