Binyavanga Wainaina
'
| Binyavanga Wainaina | |
|---|---|
 Binyavanga Wainaina | |
| Amezaliwa | 18 Januari 1971 |
| Amefariki | 21 Mei 2019 |
| Kazi yake | mwandishi kutoka nchini Kenya |
Binyavanga Wainaina (18 Januari 1971 - 21 Mei 2019) alikuwa mwandishi kutoka nchini Kenya.
Maisha
haririAlizaliwa Nakuru, nchini Kenya. Alihudhuria masomo ya msingi na sekondari nchini Kenya kabla ya kujiunga na Chuo Kikuu cha Transkei, Afrika Kusini.
Baada ya kumaliza masomo yake alihamia katika jiji la Cape Town ambapo alifanya kazi kama mwandishi wa kujitegemea wa masuala ya chakula na utalii.
Mwezi Julai 2002 Binyavanga alishinda Tuzo ya Caine kwa Uandishi wa Kiafrika. Yeye ndiye mwanzilishi wa jarida la fasihi la Kwani?, ambalo linachukuliwa kuwa ndio gazeti kuu la masuala ya fasihi toka Afrika Mashariki.
Aliaandika riwaya yake ya kwanza iitwayo The Fallen World of Appearances. Mwaka 2003 alipata tuzo toka Chama cha Wachapishaji wa Kenya (Kenya Publishers Association) kutokana na juhudi zake za kuendeleza fasihi ya Kenya.
Alisomea shahada ya pili ya Uandishi wa Ubunifu katika Chuo Kikuu cha East Anglia. Kazi zake zimetoka katika magazeti na majarida mbalimbali kama vile National Geographic, The East African, The Sunday Times (ya Afrika Kusini), The Guardian (ya Uingereza).
Baadhi ya kazi alizoandika ni:
- Discovering Home (Hadithi fupi, G21Net, 2001)
- An Affair to Dismember (Hadithi fupi)
- Beyond the River Yei: Life in the Land Where Sleeping is a Disease (Riwaya ya picha pamoja na Steven Torfinn, Kwani Trust).
Kupata UKIMWI
haririTarehe 1 Disemba 2016, katika siku ya UKIMWI Duniani, Wainaina alitangaza kupitia akaunti yake ya Twitter kwamba amethibitika kuwa na UKIMWI.[1]
Kifo
haririWainaina amefariki dunia baada ya kupata ugonjwa majira ya saa nne usiku ya tarehe 21 Mei, 2019, katika Hospitali ya Aga Khan jijini Nairobi, hiyo ni kwa mujibu wa taarifa kutoka kwa wanandugu.[2]
Marejeo
hariri- ↑ Binyavanga Wainaina [@BinyavangaW] (1 Desemba 2016). "i am HiV Positive, and happy" (Tweet) – kutoka Twitter.
{{cite web}}: Cite has empty unknown parameter:|dead-url=(help)CS1 maint: date auto-translated (link) - ↑ "Binyavanga Wainaina, 1971–2019, RIP" (kwa American English). Iliwekwa mnamo 2019-05-22.
Viungo vya nje
hariri- (Kiingereza) Hadithi fupi ya Discovering Home Ilihifadhiwa 10 Februari 2007 kwenye Wayback Machine.
- (Kiingereza) Mahojiano ya Binyavanga
- (Kiingereza) Makala ya BBC kuhusu Binyavanga