Bomba la mafuta ghafi la Uganda –Tanzania

Bomba la Mafuta Ghafi la Uganda–Tanzania (kwa Kiingereza: Uganda–Tanzania Crude Oil Pipeline, UTCOP), linalojulikana pia kama Bomba la Mafuta Ghafi la Afrika Mashariki (East African Crude Oil Pipeline, EACOP) linakusudia kusafirisha mafuta yasiyosafishwa kutoka Uganda kwenda Bandari ya Tanga, Tanzania, kwenye Bahari ya Hindi. Baada ya kukamilika, bomba la mafuta litakuwa bomba refu zaidi duniani linalopashwa moto.

Njia ya bomba la mafuta

Mahali

Bomba la mafuta litaanza katika kaunti ndogo ya Buseruka, Wilaya ya Hoima, katika Mkoa wa Magharibi wa Uganda. Litaelekea kusini mashariki kupita Masaka nchini Uganda, Bukoba nchini Tanzania, kuzunguka pwani ya kusini mwa Ziwa Viktoria, kuendelea kupitia Shinyanga na Singida na kuishia Tanga, umbali wa takriban kilomita.

Mandharinyuma

Uganda kuna akiba ya mafuta iliyothibitishwa inayozidi mapipa bilioni 6.5, ambayo karibu mapipa bilioni 2.2 yanaweza kutolewa. Nchi imepanga kujenga kiwanda cha kusafishia mafuta katika Kanda ya Magharibi kukidhi mahitaji ya ndani ya nchi, na kusafirisha mengine kupitia bomba kwenda Tanga na soko la Dunia.

Uganda hapo awali iliwahi kuwa na mapatano na Kenya kujenga bomba la mafuta ghafi la pamoja la Uganda – Kenya hadi bandari ya Lamu, Kenya.

Lakini wasiwasi kuhusu usalama na gharama zilisababisha kutafuta njia fupi yenye usalama kupitia Tanzania kwa kushirikiana na kampuni ya Kifaransa ya Total SA.

Makisio ya ujenzi wa bomba la kilomita 1445 ni USD bilioni 3.5. Bomba limepangwa kuwa na uwezo wa kupitisha mapipa 216,000 ya mafuta kwa siku. Litakuwa na kipenyo cha sentimita 61. Uganda italipa Tanzania USD 12.20 kwa kila pipa linalopita kwenye bomba.

Wamiliki

Umiliki wa Bomba la Mafuta Ghafi ya Afrika Mashariki

Na.	Jina la Mmiliki	Asilimia Umiliki
1	Total SA	45.0
2	Shirika la Kitaifa la Mafuta la China (China National Offshore Oil Corporation)	35.0
3	Kampuni ya Bomba ya Kitaifa ya Uganda	15.0
4	Shirika la Maendeleo ya Petroli Tanzania	5.0
	Jumla	100.00

Ujenzi

Baada ya majadiliano ya miaka kadhaa ujenzi umetangazwa kuanza mwezi wa Machi 2021.

Athari za kijamii na mazingira

Mradi huo unadaiwa "kuwaondoa maelfu ya wakulima wadogo na kuhatarisha mazingira ya wanyamapori na maji ya pwani." Mashirika ya kiraia yameomba taasisi za wafadhili kutounga mkono mradi huo, yakitaja mifano ya athari za kijamii na kimazingira ambazo bomba litasababisha.

Viungo vya nje

• Tovuti rasmi
• Pipeline dreams: Inside the Uganda–Tanzania oil pipeline talks As of 18 March 2019.
• East Africa: DR Congo Shows Interest As Uganda-Tanga Port Oil Pipeline Preps in Top Gear
• Uganda, Tanzania discuss oil pipeline