Elizabeth Michael

Elizabeth Michael (maarufu kama Lulu; amezaliwa 16 Aprili 1995) ni mwigizaji wa filamu kutoka Tanzania. Mwaka wa 2013 alishinda tuzo ya Zanzibar International Film Festival kama msanii bora wa kike kupitia filamu "Foolish Age". Mwaka 2017 alitajwa na Tuzo za Vijana Afrika zifanyikazo nchini Ghana miongoni mwa vijana 100 wa Afrika wenye ushawishi mkubwa.

Elizabeth Michael
Faili:Elizabeth Michael2016.jpg Elizabeth Michael (Lulu) katika 2016 Africa Magic Viewers Choice Awards Lagos,Nigeria
Amezaliwa	Diana Elizabeth Michael Kimemeta 16/4/1995
Majina mengine	Lulu
Mhitimu	Chuo Cha Utumishi wa Umma Tanzania
Kazi yake	Mwigizaji, mtayarishaji wa filamu,
Miaka ya kazi	2000-hadi sasa

Maisha ya awali=

Elizabeth alizaliwa katika Hospitali ya Taifa ya Muhimbili jijini Dar Es Salaam Tanzania. Ni mtoto wa Lucrecia Kalugira na Michael Kimemeta.

Baadaye alijiunga na katika shule ya Remnant Academy ambapo alimaliza elimu ya msingi. Alipata kusoma Perfect Vision High School, St Mary's High School kwa ajili ya elimu ya sekondari. Baadaye alijiunga katika Chuo Cha Utumishi Wa Umma Tanzania (TPSC) akisomea kozi ya stashahada ya Rasilimali watu na Utawala (Diploma In Human Resources Management).

Kazi

Uigizaji

Alianza kuigiza akiwa na umri wa miaka mitano mnamo mwaka 2000. Baadae alijiunga na kikundi cha Sanaa Kaole Group ambapo alikuwa pamoja na Steven Kanumba, Vincent Kigosi, Mwanaidi Suka na wengine wengi ambapo aliigiza tamthilia nyingi za runinga kama vile Gharika, Taswira, Zizimo na nyingine nyingi ambapo alikuwa akitumia jina la Lulu ambalo limekuwa maarufu mpaka leo.

Baadae alianza kuigiza filamu akiwa bado na Umri mdogo,a mbapo filamu yake ya kwanza ilikuwa Misukosuko akishirikiana na Jimmy Mponda. Mnamo mwaka 2006 aliigiza filamu iitwayo wema iliyoandaliwa na Game 1st Quality na badae filamu nyingine nyingi kama Family Tears,Ripple Of Tears,Passion,Dangerous Girl na nyingine nyingi.Mpaka sasa amepata kuigiza filamu zaidi ya thelathini

Pia amepata kufanya Igizo la redioni lililoitwa Wahapahapa Akitumia jina la Mainda. lililoandaliwa na Media For Development International wakishirikiana na Ubalozi wa Marekani,Wizara Ya Afya na Ustawi wa Jamii pamoja na chuo cha Johns Hopkins University Center For Communication Programs cha Marekani Igizo hilo liliongozwa na mmarekani afanyaye shughuli zake Afrika Bwana Jordan Riber.

Pia Katika mradi huohuo wa Wahapahapa alipata kuigiza katika Video mbili za wasanii Lady Jay Dee iitwayo Shamba na Ya Enika iitwayo Changanya .Mradi wa Wahapahapa ulikuwa na lengo la kuelimisha jamii juu Ya malezi bora Ya mtoto katika kipindi cha ukuaji.

Mnamo August 2013 Lulu alizindua filamu Yake Iitwayo Foolish Age ambayo Ni filamu Yake ya kwanza kuitaarisha mwenyewe.Ilizinduliwa katika ukumbi wa Mlimani City uliopo Dar Es Salaam Na kuhudhuriwa Na mamia ya Watu.Foolish Age ilifanya vizuri sokoni Na ilipata kuonyeshwa katika Tamasha Kubwa La Kimataifa La Filamu Zanzibar (Zanzibar International Film Festival) ,na baadae kuteuliwa kuwania Filamu Inayopendwa na Lulu alishinda Muigizaji wa Filamu Wa Kike Anaependwa kupitia filamu hio katika Tuzo za Watu 2014.

Mnamo Mwaka 2015 Alizindua Filamu Yake ya pili Kama mtayarishaji iitwayo Mapenzi Ya Mungu .Filamu Hio ilionyeshwa katika Tamasha La Filamu La Kimataifa La Zanzibar (ZIFF) na mwaka 2016 ilishinda Filamu Bora Afrika Mashariki katika Tuzo Za Africa Magic Viewers Choice Awards zilizofanyika Lagos Nigeria.

Utangazaji

Amewahi Kuwa mtangazaji wa kipindi cha runinga kiitwacho watoto wetu Kinachorushwa na Runinga Ya ITV Tanzania Akiwa na umri mdogo mnamo mwaka 2004-2007

Pia mnamo mwaka 2014 na 2015 alikuwa mtangazaji wa mashindano Ya kutafuta vipaji vya uigizaji Tanzania yaitwayo Tanzania Movie Talents

Ubalozi na Matangazo

• 2013/14 alichaguliwa Kuwa balozi wa tamasha la filamu liitwalo Dar Film Festival lililofanyika Dar es Salaam.
• 2015 alifanya kazi na kampuni ya simu ya Airtel Tanzania kama mtangazaji wa kipindi cha Airtel Yatosha Tv Show.
• Pia ni balozi wa kampuni ya Paisha Tanzania, ijushughulishayo na ufanyaji wa biashara mitandaoni
• Pia aliteuliwa na kampuni ya Hengan Baby Products and Sanitary co ltd Kuwa balozi wa freestyle napkins bidhaa za wanawake kwa miaka miwili
• Pia ni balozi wa Sinema Zetu International Film Festival tamasha la filamu linaloandaliwa Na chaneli ya Sinema Zetu ya kampuni ya Azam
• Pia ni balozi wa Azania inajulikana kama pishi la Lulu, ni manager wa upcoming actor ajulikanae kama Suhelyht khan ambae jina lake halisi ni Suhely Tarmohammed.

Filamugrafia

Tamthilia

Mwaka	Jina	Uhusika	Maelezo
2000's	Zizimo	Lulu	Ilionyeshwa Na Independent Television Tanzania (ITV Tanzania)
	Dira
	Taswira
	Baragumu
	Gharika
	Sayari
	Tufani
	Tetemo
	Jahazi
	Demokrasia		Ilionyeshwa na Shirika la Utangazaji Tanzania/ Tanzania Broadcasting Corporation (TBC)
2017	Sarafu	Jackline Sanga "Jack"	Inaonyeshwa na Maisha Magic Bongo (Dstv)

Igizo la radio

Mwaka	Jina	Uhusika	Maelezo
2009	Wahapahapa	Mainda	Ilirushwa na Radio One Tanzania

Filamu

Mwaka	Filamu	Uhusika	Maelezo/Wahusika
2005	Misukosuko Part 2	Catherine	Jimmy Mponda,Seba and Salama Salmin(Sandrah)
2006	Wema	Betty	Akishirikiana na Senga
2007	Silent Killer		Akishirikiana na Mohamed Nurdin(Chekibudi),Shumileta
2008	Family Tears	Lindah	Akiwa na Steven Kanumba,Wema Sepetu,Jacqueline Wolper and Richard Bezendhout
	Mtoto wa Nyoka
	Lost Twins	Anitha Mdogo	Akiwa na Steven Kanumba,Hashimu Kambi ,Suzan Lewis.
2009	Taste of Love		Akiwa na Aunty Ezekiel ,Blandina Chagula,Mahsein Awadh.
	Ripple of Tears	Lizy	Akiwa na Steven Kanumba
	Passion		Akiwa Jacqueline Wolper,Irene Uwoya,Yusuph Mlela,Hashim Kambi
	Unfortunate Love		Akiwa na Steven Kanumba,Lisa Jensen,Zamda
	Too Late		Akiwa na Mahsein Awadh(Dr Cheni),Tumaini Bigirimana(Fifi),Issa Mussa
	Reason To Die	Nyina	Akiwa na Mahsein Awadh (Dr Cheni)
2010	Family Disaster	Julieth	Akiwa na Vincent Kigosi,Diana Kimaro
	Crazy Love	Mwanafunzi	Akiwa na Steven Kanumba,Shamsa Ford,Hemed Suleiman
	My dreams		Akiwa Vincent Kigosi,Irene Uwoya,Shamsa Ford,Mahsein Awadh
2011	Birthday Party		Akiwa na Salma Jabu(Nisha)
	Ritazo		Akiwa na Riyama Ally Na Baraka
	Tattoo
	Confusion	Besta	Akiwa na Diana Kimario,Hemedi Suleiman
2012	House Boy	Lulu	Akiwa na Wema Sepetu,Kajala Masanja,and Mr Blue
	Woman Of Principles	Linah	Akiwa na Vincent Kigosi and Nargis Mohamed
	Dangerous Girl	Hidaya
	Mtoto wa Mbwa	Nice	Akiwa na Simon Mwakapagata (Rado)
	Yatima Asiyestahili	Njwele	Akiwa Nice Mohamed(Mtunisy) and Jeniffer Kyaka
	Oxygen		Akiwa na Sydney, Hashim Kambi,Grace Mapunda
2013	Foolish Age	Loveness	Akiwa na Diana Kimaro and Hashimu Kambi
2014	Family Curse		Akiwa na Hashimu Kambi,Yusuph Mlela,Cathy Rupia
2015	Mapenzi Ya Mungu	Shikana	Akiwa na Flora Mtegoa,Linah Sanga
2016	Ni Noma	Angela	Akiwa na Kulwa Kikumba and Isarito Mwakalikamo

Kama mtayarishaji

• Foolish Age
• Mapenzi Ya Mungu
• Ni Noma

Tuzo Alizoshinda

• 2013 Zanzibar International Film Festival- Mwigizaji Bora wa Kike
• 2014 Tuzo za watu - Mwigizaji wa Kike Anayependwa
• 2016 Africa Magic Viewers Choice Awards- Filamu Bora Afrika Mashariki (Mapenzi Ya Mungu)
• 2016 Swahili Fashion Week Awards - Style Icon Of The Year

Marejeo

Makala hii kuhusu mwigizaji filamu fulani bado ni mbegu. Je, unajua kitu kuhusu Elizabeth Michael kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.