Frosted Flakes

Frosted Flakes ni aina ya chakula cha kiamsha kinywa iliyoanzishwa na Kampuni ya Kellog's. Inahusisha magamba ya mahindi yaliyofunikwa kwa sukari. Jina la "Frosted Flakes" linatumika na kampuni ya Kellog's katika nchi ya Marekani na Kanada. Aina hii ilianzishwa kwa mara ya kwanza katika mwaka wa 1952 kama Sugar Frosted Flakes. Neno "sugar" lilitolewa kutoka jina la bidhaa hii katika miaka ya 1980 katika wakati ambao bidhaa nyingi za aina hii zilitoa neno hilo kutoka majina yao.

"Frosted Flakes", kwa jina lenyewe, linaeleza aina ya bidhaa hii. Hivyo basi, jina hili haliwezi kuwa jina linalotumika na kampuni moja tu na linaweza kutumika na kampuni yoyote inayotayarisha bidhaa sawa kama hii. Ingawaje, "Kellog's Frosted Flakes" na "Frosties" ni majina maalum yaliyosajiliwa na kampuni kisheria katika masoko yao maalum.

Majina ya kimataifa

Frosties (Hutumika nchini Uingereza, mataifa mengi ya Jumuiya ya Madola, Ulaya na mataifa Mashariki ya Kati)
Zucaritas hutumika katika eneo la Amerika ya Kilatini( jina hili linaweza kutumika kumaanisha "Sukari")
Sucrilhos hutumika nchini Brazili
Corn Frosties katika Ujapani
Corn Frost katika Korea Kusini

Bidhaa husika za Kellog's Frosties

Katika mwaka wa 2003, Kellogg's ilianzisha Tony's Cinnamon Krunchers. Kaulimbiu ya bidhaa hii ilikuwa "They're Great 'till They're Gone." Bidhaa hii iliachwa kutayarishwa katika mwaka wa 2007 kwa sababu ya mauzo madogo sana.
Katika mwaka wa 2004, Kellogg's ilianzisha aina ya chakula hii iliyokuwa na thuluthi ya sukari iliyokuwa katika bidhaa ya hapo awali (yaani bidhaa ya Kellog's Frosted Flakes).
Katika mwaka wa 2008, Kellogg's ilianzisha Frosted Flakes Gold. Hii ilikuwa na mionjo ya asali na ilidai kumpa mtu nishati nyingi zaidi kuliko Frosted Flakes ya kawaida.
Katika mwaka wa 2009, Kellogg's ilianzisha Frosted Flakes Pink.

Sekta ya Masoko

Katuni zinazowasilisha bidhaa

Pakiti ya hapo awali ya Frosted Flakes inayo picha ya katuni ya Tony Tiger

Katuni ya Tony Tiger ndiyo imekuwa ikiwakilisha Frosted Flakes tangu kuanzishwa kwake. Tony anajulikana zaidi kwa kutamka kaulimbiu ya bidhaa hii: "They are Gr-r-reat!". Sauti ya Tony Tiger katika matangazo ya Marekani ilikuwa sauti ya Thurl Ravenscroft mpaka kifo chake katika mwaka wa 2005. Hivi sasa,sauti ya sasa ya katuni hii katika Marekani ni ya Lee Marshall, aliyekuwa mtangazaji. Lee alikuwa amefanya kazi hiyo,ya kuigiza sauti ya Tony, katika tangazo moja la 1997. Anaonekana akiwa amevaa nguo nyekundu kwenye pakiti zote za bidhaa hii. Nchini Uingereza, sauti ya Tony ilifanywa na Thurl Ravenscroft hadi kifo chake kisha Tom Hill akaendelea na kazi hiyo.

Katuni nyingine, Katy Kangaroo, ilichapishwa kwenye pakiti ya Frosted Flakes kwa muda mfupi.

Sentensi maarufu zilizotumika katika uuzaji

Bidhaa hii imetumia sentensi nyingi katika matangazo yake, lakini iliyotumika sana ni "They're Gr-r-reat!".

They're more than good, They're grrrrrrrrreat
They're gonna taste great
Bring out the tiger in you

! Miaka ya 1980

The taste adults have grown to love. (1980 - 1990)
Earn your stripes
Never let the tiger catch you
Put a tiger on your team
Pass it on
Scientifically proven better than branflakes and other cereals

Udhamini

Kellogg's alikuwa mfadhili mkubwa wa kipindi cha televisheni cha Adventures of Superman katika miaka mingi ya 1950. Matangazo mengi ya Frosted Flakes yalihusisha mwigizaji wa kipindi hicho , George Reeves. Hivi sasa, matangazo haya yanapatikana katika DVD ya msimu wa kwanza wa kipindi hicho.

Frosties Kid

Frosties Kid ilikuwa tangazo kwenye mtandao hasa katika mwaka wa 2006. Tangazo hili lilitayarishwa kutoka matangazo yaliyokuwa kwenye stesheni za Uingereza na Ireland yaliyohusisha mvulana akisema "They're gonna taste great".

Fununu kwenye mtandao wa tarakilishi ilikuwa mwigizaji huyo alikuwa amejiua. Fununu hii ilifanya tovuti ya snopes.com kuanza kuchunguza ukweli wa hadithi hii. Katika mwezi wa Juni 2006, ilitangazwa katika stesheni ya BBC Radio One kuwa Frosties Kid alikuwa hai na anaishi nchini Afrika Kusini.

Maswali kuhusu maslahi ya Frosties Kid huulizwa bado na fununu unaovutia watu wengi ni kuwa Frosties Kid alikuwa katuni iliyoumbwa na kampuni ya CGI Creation.

Marejeo

^ "Frosties Kid Suicide". Snopes. .
^ "Frosties CGI: Fact or Fiction". Ilihifadhiwa 5 Machi 2010 kwenye Wayback Machine.

Viungo vya nje

Tovuti Rasmi ya Frosted Flakes
Ukurasa Rasmi ya Frosties kwenye tovuti ya Kellog's Ilihifadhiwa 13 Oktoba 2008 kwenye Wayback Machine.
Advert on The Link Portal Ilihifadhiwa 15 Julai 2006 kwenye Wayback Machine.