Ghuba ya Carpentaria

Ghuba ya Carpentaria (14°00′S 139°00′E) ni sehemu ya bahari kwenye kaskazini ya Australia. Pande za kusini, magharibi na mashariki iko Australia bara, upande wa kaskazini iko Bahari iliyopo baina ya Australia na Guinea Mpya. Kwenye kinywa chake, ghuba ina upana wa km 590, urefu wa kaskazini hadi kusini ni km 700.

Mahali pa Ghuba ya Carpentaria.

Ghuba ya Carpentaria katika ramani ya Kiholanzi ya mwaka 1859.

Eneo la maji ni takribani km² 300,000. Maji yake huwa na kina kati ya mita 55 hadi 66, ingawa kuna sehemu zenye mita 82.

Jiografia

Ardhi karibu na ghuba kwa jumla ni tambarare bila miinuko mikubwa. Kisiwa kikubwa ndani yake inaitwa Groote Eylandt.

Tabianchi ni ya joto na unyevunyevu, kuna misimu miwili ya mwaka. Msimu mkavu hudumu kutoka Aprili hadi Novemba na una upepo mkavu sana kutoka mashariki. Msimu wa mvua huanza mwezi wa Disemba ukiendelea hadi Machi. Maeneo mengi kando ya ghuba hujaa mafuriko. Ghuba pia ni eneo la kuzaliana kwa vimbunga vya kitropiki kutoka Novemba na Aprili.

Mito ya Ghuba

• Mto Archer
• Mto Calvert
• Mto Cox
• Mto Flinders
• Mto Gilbert
• Mto Leichhardt
• Mto McArthur
• Mto Mission
• Mto Mitchell
  • Mto Alice
• Mto Norman
• Mto Roper
  • Mto Wilton
• Mto Smithburne
• Mto Staaten
• Mto Wenlock