Mto Marne

Kwa mto wa South Australia, tazama Mto Marne (Australia Kusini).

Marne ni mto wa Ufaransa, tawimto upande wa kulia wa Seine katika eneo la mashariki na kusini ya Paris. Una urefu wa kilometre 514 (mi 319). Mto ulizipatia jina lake wilaya za Haute-Marne, Marne, Seine-et-Marne, na Val-de-Marne.

Marne
Chanzo	Grand Est
Mdomo	Seine 48°48′57″N 2°24′40″E
Urefu	514 km

Kisiwa katika mto Marne karibu na Chelles

Mto Marne unaanza katika platuu ya Langres, unatiririka kuelekea kaskazini, kisha unaelekea magharibi kati ya Saint-Dizier na Châlons-en-Champagne, na kuungana na Seine katika Charenton katika Paris. Katika kanda la Champagne sehemu ya maji huongozwa katika ziwa la kujengwa na binadamu la Lac du Der-Chantecoq, ili kudhibiti mtiririko wa maji. Kwa njia hiyo kiwango cha maji cha chini huzuiwa.

Mto Marne ulikuwa eneo la mapigano mawili wakati wa Vita vya Kwanza vya Dunia. La kwanza Lilikuwa mgeuko wa Vita vya Kwanza vya Dunia katika mwaka wa 1914. La pili lilitokea miaka minne baadaye, katika mwaka wa 1918.

Katika karne ya 19 na 20, Marne ulipendeza wachoraji na wasanii wengi; miongoni mwao ni:

• Camille Corot
• Paulo Cézanne
• Camille Pissarro
• Henri Rousseau, dit "Le Douanier Rousseau"
• Albert Marquet
• Raoul Dufy
• André Dunoyer de Ségonzac
• [Louis Vuillermoz]
• Maurice Boitel
• Daniel du Janerand

Wilaya na miji iliyopitwa na mto huu

Ufuko wa Marne katika Noisy-le-Grand

• Haute-Marne (52): Chaumont, Saint-Dizier
• Marne (51): Châlons-en-Champagne, Épernay
• Aisne (02): Chateau-Thierry
• Seine-et-Marne (77): Meaux
• Seine-Saint-Denis (93): Neuilly-sur-Marne, noisy-le-Grand
• Val-de-Marne (94): Nogent-sur-Marne, Créteil, Charenton-le-Pont, Champigny-sur-Marne, Saint-Maur-des-Fossés, Joinville-le-Pont, Saint-Maurice

Viungo vya nje

Wikimedia Commons ina media kuhusu:

Mto Marne

Makala hii kuhusu maeneo ya Ufaransa bado ni mbegu. Je unajua kitu kuhusu Mto Marne kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.