Tambarare ya Siberia Magharibi

Tambarare ya Siberia Magharibi (kwa Kiingereza: West Siberian Plain) ni tambarare kubwa ambayo inachukua sehemu ya magharibi ya Siberia, kati ya Milima ya Ural upande wa magharibi na Mto Yenisei upande wa mashariki, tena Milima ya Altay upande wa kusini mashariki. Eneo lote ni takriban km² 2,500,000.

Mto Vasyugan.

Sehemu ya Magharibi ya Siberia katika ramani ya satelaiti ya Asia ya Kaskazini.

Miji muhimu ni pamoja na Omsk, Novosibirsk, Tomsk na Chelyabinsk.

Jiografia

Tambarare ya Siberia Magharibi jinsi inavyoonekana ukipita kwa reli ya Kuvukia-Siberia karibu na Tatarskaya.

Tambarare hii inafunika takribani theluthi moja ya Siberia nzima ikienea kwa km 2,400 kutoka Bahari ya Aktiki hadi kwenye miinuko ya Milima ya Altay, na km 1,900 kutoka Milima ya Ural hadi Mto wa Yenisei.

Kuna sehemu pana za vinamasi. Upande wa kusini iko misitu ya misonobari, inayoendelea kubadilika kuwa misitu ya taiga, na hatimaye tundra kadiri inavyofika kaskazini zaidi ambako jotoridi inashuka. Katika maeneo hayo ya kaskazini mimea mirefu kama miti haiwezi kustawi kwa sababu ya upungufu wa maji ambayo yameganda kuwa barafu.

Mito mikubwa ni:

• Yenisei unaopita kutoka kusini kwenda kaskazini kwa urefu wa km 3,530 na kuishia katika Bahari Aktiki unapomwaga maji zaidi ya lita milioni 20 kila sekunde.
• Angara, tawimto kubwa la Yenisei
• Irtysh
• Ob

Viungo vya nje

• Picha za NASA: Pwani ya Siberia ya Magharibi Ilihifadhiwa 11 Oktoba 2006 kwenye Wayback Machine.
• Utabiri wa hali ya juu na Uelekeo wa Urusi
• Viunga vya Dunia: Urusi - Siberia Ilihifadhiwa 27 Septemba 2006 kwenye Wayback Machine.

Makala hii kuhusu maeneo ya Urusi bado ni mbegu. Je unajua kitu kuhusu Tambarare ya Siberia Magharibi kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.