Gertrude Mongella
Gertrude Ibengwe Mongella alikuwa Rais wa kwanza wa Bunge la Umoja wa Afrika. Pia alikuwa mbunge wa jimbo la Ukerewe katika bunge la taifa nchini Tanzania.[1] Anatokea katika chama cha CCM.
Gertrude alizaliwa mwaka 1945 katika kisiwa cha Ukerewe katika Mkoa wa Mwanza (Tanzania). Baba yake, Patrice Magologozi alikuwa fundi seremala na mwashi na mama yake, Bibi Nambona, alikuwa mkulima.
Gertrude Mongela ameshika nyadhifa mbalimbali za kitaifa na kimataifa. Miaka 1993-1995 alikuwa Katibu Mkuu wa Mkutano wa Umoja wa Mataifa wa Masuala ya Wanawake na kuhudhuria mkutano wake wa nne uliofanyika Beijing, China mwaka 1995. Amewahi kuwa balozi nchini India (1991-1993), Waziri Asiye na Wizara Maalum, Waziri wa Ardhi, Maliasili na Utalii, mshauri maalum wa Shirika la Umoja wa Mataifa la Elimu, Sayansi, na Utamaduni,[2] n.k.
Tazama pia
haririMarejeo
hariri- ↑ "Mengi kuhusu Getrude Ibengwe Mongella". 25 Aprili 2006. Ilihifadhiwa kwenye nyaraka kutoka chanzo mnamo 2012-05-21. Iliwekwa mnamo 11 Novemba 2011.
- ↑ "africanfront.org(AUF)". www.africanfront.org. Ilihifadhiwa kwenye nyaraka kutoka chanzo mnamo 2020-09-21. Iliwekwa mnamo 2020-08-21.
Viungo vya nje
hariri- Umoja wa Afrika Ilihifadhiwa 15 Aprili 2012 kwenye Wayback Machine.
- Bunge la Umoja wa Afrika Ilihifadhiwa 13 Juni 2007 kwenye Wayback Machine.
 |
Makala hiyo kuhusu mwanasiasa wa Tanzania bado ni mbegu. Unaweza kuisaidia Wikipedia kwa kuongezea habari. |