Nguchiro-bukini

Nguchiro-bukini

Nguchiro-bukini mkia-miraba (Galidia elegans)

Uainishaji wa kisayansi

Himaya:	Animalia (Wanyama)
Faila:	Chordata (Wanyama wenye ugwe wa neva mgongoni)
Ngeli:	Mammalia (Wanyama wenye viwele wanaonyonyesha wadogo wao)
Oda:	Carnivora (Wanyama mbuai)
Nusuoda:	Feliformia (Wanyama kama paka)
Familia:	Eupleridae (Wanyama walio na mnasaba na fungo-bukini) Chenu, 1852
Nusufamilia:	Galidiinae (Wanyama wanaofanana na nguchiro-bukini) (Gray, 1865)

Ngazi za chini

Jenasi 4, spishi 6:

Galidia Geoffroy Saint-Hilaire, 1837
- G. elegans Geoffroy Saint-Hilaire, 1837
Galidictis Geoffroy Saint-Hilaire, 1839
- G. fasciata (Gmelin, 1788)
- G. grandidieri Wozencraft, 1986
Mungotictis Pocock, 1915
- M. decemlineata (Grandidier, 1867)
Salanoia Gray, 1864
- S. concolor (Geoffroy Saint-Hilaire, 1837)
- S. durrelli Durbin et al., 2010

Nguchiro-bukini ni wanyama wadogo wa Madagaska wanaoainishwa katika nusufamilia Galidiinae wa familia Eupleridae na ambao wanafanana na nguchiro wa bara la Afrika. Pamoja na fungo-bukini (nusufamilia Euplerinae) wana mhenga mmoja aliyekuwa aina ya nguchiro na aliyevuka Mlango wa Msumbiji miaka milioni 20 iliyopita^[1].

Wanyama hawa ni kama nguchiro wadogo. Mdogo kuliko wote ni nguchiro-bukini miraba-myembamba (g 500) na mkubwa ni nguchiro-bukini wa Grandidier (g 1500). Rangi yao ni kahawia, kahawianyekundu au kijivu na wana miraba mwilini au mkiani isipokuwa spishi mbili za jenasi Salanoia.

Wanatokea misituni lakini nguchiro-bukini miraba-myembamba na wa Grandidier huishi katika maeneo wazi. Huchimba vishimo kama kikingio na spishi kadhaa hutumia matundu katika miti pia. Hula vertebrata wadogo, kama mijusi, vyura na wagugunaji, invertebrata kama wadudu na nge na hata matunda pengine.

Spishi

Galidia elegans, Nguchiro-bukini Mkia-miraba (Ring-tailed mongoose)
Galidictis fasciata, Nguchiro-bukini Miraba-mipana (Broad-striped Malagasy mongoose)
Galidictis grandidieri, Nguchiro-bukini wa Grandidier (Grandidier's mongoose)
Mungotictis decemlineata, Nguchiro-bukini Miraba-mymbamba (Narrow-striped mongoose)
Salanoia concolor, Nguchiro-bukini Mkia-kahawia (Brown-tailed mongoose)
Salanoia durrelli, Nguchiro-bukini wa Durrell (Durrell's vontsira)

Picha

Nguchiro-bukini wa Grandidier
Nguchiro-bukini miraba-myembamba
Nguchiro-bukini wa Durrell

Marejeo

↑ Yoder, A.D., Burns, M.M., Zehr, S., Delefosse, T., Veron, G., Goodman, S.M. & Flynn, J.J. 2003. Single origin of Malagasy Carnivora from an African ancestor. Nature 421:734–737.

[1] Yoder, A.D., Burns, M.M., Zehr, S., Delefosse, T., Veron, G., Goodman, S.M. & Flynn, J.J. 2003. Single origin of Malagasy Carnivora from an African ancestor. Nature 421:734–737.

[1]