Tafsiri ya Ulimwengu Mpya
Tafsiri ya Ulimwengu Mpya (kwa Kiingereza New World Translation of the Holy Scriptures) ni tafsiri ya Biblia inayotolewa na Mashahidi wa Yehova.
Historia ya tafsiri
haririKabla ya mwaka 1950 Mashahidi wa Yehova walitumia tafsiri nyingine zilizopatikana. Ilhali wanaamini ya kwamba makanisa yote yana kasoro nyingi[1] hawakutaka kutegemea tena vitabu vyao, hivyo walianza kutengeneza tafsiri ya kwao wenyewe kwa lugha ya Kiingereza. Agano Jipya lilipatikana mwaka 1950 na sehemu za Agano la Kale zilifuata hadi kukamilika mnamo mwaka 1960.
Tafsiri hiyo ya Kiingereza, si Biblia katika lugha zake asili (Kiebrania, Kiaramu na Kigiriki), ndio msingi wa matoleo kwa lugha nyingine zote ili kuhakikisha umoja wa madhehebu yao duniani kote.
Dibaji ya Tafsiri ya Ulimwengu Mpya ya Kiswahili inaeleza kuwa "Toleo hili la Kiswahili la mwaka wa 2017 ambalo ndilo la karibuni zaidi limerekebishwa kwa kutegemea Biblia ya Kiingereza ya Tafsiri ya Ulimwengu Mpya iliyorekebishwa mwaka wa 2013".[2]
Tabia za toleo
haririTabia kuu ya pekee ya tafsiri hiyo ni matumizi ya jina "Yehova" si tu kila mahali ambako Biblia ya Kiebrania inatumia YHWH lakini pia katika sehemu za Agano Jipya [3] ambapo jina hilo halipo, ila imeandikwa kwa Kigiriki Mungu au Bwana.
Kwa jumla wataalamu wa lugha na Biblia nje ya Mashahidi wa Yehova hukubaliana ya kwamba ni kosa kutamka YHWH kama "Yehova"[4].
Pamoja na hayo, wataalamu wengi wakikubaliana ya kwamba tafsiri hii kwa kawaida inatumia Kiingereza kizuri[5] bado kuna mifano mbalimbali ya kwamba matini ya Biblia ilibadilishwa kwa kusudi la kuthibisha mafundisho ya Mashahidi wa Yehova, hasa pale ambapo suala la Yesu kuitwa Mungu linaguswa.
Mifano miwili ni
- katika Yohane 1:1 Kigiriki kinasema: "ὁ λόγος ἦν πρὸς τὸν θεόν, καὶ θεὸς ἦν ὁ λόγος". Hapa tafsiri ya Union Version kwa kukubaliana na maneno ya Kigiriki inasema "Neno alikuwako kwa Mungu, naye Neno alikuwa Mungu". Tafsiri ya Ulimwengu Mpya inatumia hapa "Neno alikuwa pamoja na Mungu, na Neno alikuwa mungu." Kuhusu Yesu inatumia "mungu" kwa herufi ndogo ili kuonyesha mafundisho yao ya kwamba Yohane hakutaka kumtaja Neno (=Kristo) kuwa "Mungu" sawa na Muumba wa mbingu na nchi bali kama "mungu" mmojawapo chini yake. Kwa Kiingereza tafsiri inatumia "a god" badala ya "God".
- 2 Petro 1:1 Kigiriki kinasema: δικαιοσύνῃ τοῦ θεοῦ ἡμῶν καὶ σωτῆρος Ἰησοῦ Χριστοῦ; Kiswahili cha Union Version hapa ni: "haki ya Mungu wetu, na Mwokozi Yesu Kristo". Tafsiri ya Ulimwengu Mpya inasema hapa "uadilifu wa Mungu wetu na Mwokozi wetu Yesu Kristo"; inaongeza "wetu" mara ya pili kwa kufuata mafundisho yao ya kwamba "Mungu" na "Yesu Kristo" ni wawili tofauti.[6]
Marejeo
hariri- ↑ "Christendom", Watchtower Online library kwenye tovuti ya Mashahidi wa Yehova, iliangaliwa Septemba 2018
- ↑ Utangulizi, tovuti ya www.jw.org/sw, iliangaliwa Septemba 2018
- ↑ Mfano 2 Kor 3.16 katika Tafsiri ya Ulimwengu Mpya
- ↑ Jehovah, Encyclopedia Britannica 1911 online, iliangaliwa Septemba 2018
- ↑ Kuna ukosoaji ya kwamba tafsiri kutoka Kiingereza kwenda lugha nyingine kama Kijerumani haikuleta matokeo ya kuridhisha; hakuna utafiti wa kitaalamu kuhusu toleo la Kiswahili.
- ↑ John Ankerberg, John Weldon : The New World Translation of the Jehovah's Witnesses Archived 29 Oktoba 2012 at the Wayback Machine., tovuti ya Ankerberg Theological Research Institute, mwaka 2003, kupitia Wayback Machine, iliangaliwa Septemba 2018
Tafsiri ya Ulimwengu Mpya kwenye mtandao
haririWatetezi wa tafsisi
hariri- Stafford, Greg: Jehovah's Witnesses Defended. ISBN|0-9659814-7-9
- Furuli, Rolf: The Role of Theology and Bias in Bible Translation: With a special look at the New World Translation of Jehovah's Witnesses, 1999. ISBN|0-9659814-9-5
- Byatt, Anthony and Flemings, Hal (editors): 'Your Word is Truth', Essays in Celebration of the 50th Anniversary of the New World Translation of the Holy Scriptures (1950, 1953), 2004. ISBN|0-9506212-6-9
- The Coptic Evidence Archived 6 Desemba 2019 at the Wayback Machine.
- In Defense of the New World Translation
Maoni ya kati
hariri- BeDuhn, Jason: Truth in Translation - Accuracy and Bias in English Translations of the New Testament ISBN|0-7618-2556-8
- The Names of God. Their Pronunciation and Their Translation. A Digital Tour of Some of the Main Witnesses.
Wakosoaji wa tafsiri
hariri- Metzger, Bruce Manning, The Jehovah's Witnesses and Jesus Christ: A Biblical and Theological Appraisal (Theology Today (April 1953), pp. 65-85).
- "The New World Translation: What the Scholars Really Said" (www.forananswer.org) Archived 30 Juni 2007 at the Wayback Machine.
- Tetragrammaton in the New Testament
- Kenneth J. Baumgarten, http://www.sats.edu.za/userfiles/Baumgarten%20K,%20MTh%20Thesis%20(Final).pdf Archived 12 Desemba 2013 at the Wayback Machine., South African Theological Seminary 2007.
- Robert Countess: Jehovah's Witnesses' New Testament: A Critical Analysis,
|
Makala hii kuhusu mambo ya Biblia bado ni mbegu. Je, unajua kitu kuhusu Tafsiri ya Ulimwengu Mpya kama historia yake au athari wake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |