Ali Karume
Ali Abeid Amani Karume (amezaliwa 24 Mei 1950) ni mwanadiplomasia na mwanasiasa kutoka nchini Tanzania. Ni mtoto wa Rais wa kwanza wa Zanzibar, Sheikh Abeid Amani Karume na mwanachama wa Chama cha Mapinduzi (CCM) tangu kilipoanzishwa mwaka 1977. Alihudumia kama balozi wa Tanzania katika Marekani, Umoja wa Ulaya, Ujerumani na Italia. Tangu 2015 alihudumia kama waziri katika serikali ya Zanzibar.
Wasifu
haririKarume alizaliwa Zanzibar.
Alisoma katika Shule ya Sekondari ya Tumekuja na baadaye Chuo cha Lumumba huko Zanzibar hadi 1969. [1] Alianza kazi yake kama Msaidizi wa Meneja Mkuu wa ZSTC Zanzibar (1969–1970). Baadaye alipandishwa cheo na kuwa Mkurugenzi Mkuu wa ZSTC ambapo alishika nafasi hiyo kwa miaka miwili kuanzia 1970 hadi 1972. Mwaka 1972 hadi 1978, Karume alishika nafasi ya Naibu Waziri, Wizara ya Biashara na Viwanda katika Serikali ya Zanzibar. Mnamo 1978, Karume alichukua likizo kwa masomo ya juu huko USA
Mwaka 1984, Karume alihitimu kutoka Chuo Kikuu cha Columbia, kisha akaingia katika utumishi wa serikali.
Mwaka mmoja baada ya kuhitimu masomo yake, Karume alijiunga na Wizara ya Mambo ya Nje ya Tanzania na kuanza utumishi wake kwa miaka minane katika ubalozi huko Brussels, Ubelgiji (1985-1989) halafu kama Naibu Balozi huko Washington DC, Marekani (1989– 1993).
Alirudi Tanzania na kuwa Mkurugenzi wa Idara ya Ulaya na Amerika katika Wizara ya Mambo ya Nje na Ushirikiano wa Kimataifa jijini Dar es Salaam, Tanzania kuanzia mwaka 1993 hadi 1996.
Baadaye aliteuliwa na Rais Benjamin William Mkapa kuwa balozi wa Tanzania huko Ubelgiji, Uholanzi na Luxemburg (Benelux) na Umoja wa Ulaya (EU) ambako alihudumu kuanzia 1996 hadi 2002.
Baadaye, hadi mwaka 2006, Karume alihudumu kama balozi nchini Ujerumani, Uswizi na Poland na kuwasilisha Tanzania wakati huohuo pia Vatikani, Austria, Jamhuri ya Czech, Slovakia, Hungary, Romania na Bulgaria .
Kwenye Julai 2006 Karume aliteuliwa na Rais Kikwete kuwa Balozi kwa Italia, Uturuki, Ugiriki, Slovenia, Cyprus na Malta .
Mwaka 2015 alirudi Tanzania akachaguliwa mbunge wa Zanzibar na kuwa waziri wa miundombinu na kuanzia 2018 waziri wa vijana, utamaduni na michezo.[2]